Сергек оянудың құпиясы: Дәрігерлер дұрыс ұйықтаудың формуласын айтты

Ғалымдар 90 минуттық ұйқы циклінің маңызды екенін тағы бір рет дәлелдеді. Дәрігерлердің айтуынша, сергек әрі тыныққан күйде ояну үшін ұйқыдан оянатын уақытты циклдің басына немесе соңына сәйкестендірген жөн.

Формула қарапайым: ояну уақытынан әр 90 минутты кері санап, ұйқыға жататын уақытты есептеу керек. Мысалы, егер сіз таңғы 07:00-де оянғыңыз келсе, 22:00, 23:30, 01:00, 02:30, 04:00 немесе 05:30-да ұйықтаған дұрыс. Осылайша, ағзаңыз табиғи түрде оянуға дайын болады, ал таңертең ауырлық сезімі мен шаршау болмауы мүмкін.

Мамандардың айтуынша, таңды сергек бастау үшін күрделі әдістер іздеудің қажеті жоқ — тек оятқышты дұрыс қою жеткілікті. Сондай-ақ, ұйқы гигиенасын сақтау маңызды: ұйықтар алдында гаджеттерден бас тарту, бөлмені желдету және кофе мен ауыр тағамдарды кешкі уақытта тұтынбау ұсынылады.