Microsoft ірі дата-орталықтарын қоршаған ортаға барынша үйлесімді ету үшін олардың айналасына ағаштар мен жергілікті өсімдіктер отырғыза бастады, деп хабарлайды turkystan.kz.
Компания серверлік кешендердің маңын көгалдандыру арқылы көлемді ғимараттардың айналадағы ландшафтпен үйлесуін көздейді. Бұл әсіресе дата-орталықтар салынатын елді мекендердегі тұрғындардың алаңдаушылығын азайтуға бағытталған.
Өсімдіктер серверлік жабдықтардың тұрақты жұмысынан туындайтын шуды да белгілі бір деңгейде бәсеңдетуге көмектеседі. Осылайша Microsoft дата-орталықтарының тек техникалық инфрақұрылым ретінде емес, қоршаған ортаға бейімделген нысан ретінде көрінуіне мән беріп отыр.
