Ресейдегі Санкт-Петербургте БОМЖ-дар мұражайы ашылды. Көрме Гороховая көшесіндегі жертөледе орналасқан, оны тек экскурсия жетекшісімен бірге көруге болады, деп хабарлады turkystan.kz.
Келушілерге Ресейдегі қаңғыбастардың пайда болуы, оның дамуы, әртүрлі дәуірдегі үйсіз адамдардың тағдыры және олардың мұндай өмір салтына қалай тап болатыны туралы әңгімеленеді.
Жоба авторлары бұл мұражайды қаңғыбастар антологиясы және «тарих, социология және антропология тоғысындағы зерттеу» деп атады.
«Біздің мұражай – бұл қаңғыбастар антологиясы, тарих, социология және антропологияның тоғысқан жеріндегі зерттеу. Көрменің басты назарында әртүрлі ғасырлардағы адамдар мен олардың тағдырлары тұр. Олардың көмегімен бізді еркіндікке ұмтылдыратын немесе керісінше, құрдымға жетелейтін күштерді түсінуге тырысамыз. Негізгі экспозициядан бөлек, мұражайда материалдық және рухани құндылықтарға жататын түрлі нысандар қойылады. Кейбір экспонаттар ашылған сәттен бастап көрмеге шығарылады, ал басқалары біртіндеп қосылады. Бұл – тірі мұражай, ол дамып, өзгеріп отыратын болады», – делінген хабарламада.
Экспонаттардың ішінде XIV ғасырдың жолаушысы, жылу құбырында отырған петербургтік үйсіз интеллигент, сондай-ақ Кеңес заманындағы милиция бөлімінде отырған бомждың мүсіні бар.
