Министрлік пен Huawei компаниясы қазақша ЖИ-ді дамытуды қолға алды

ҚР Ғылым және жоғары білім министрлігі Huawei компаниясымен бірлесіп жасанды интеллект бойынша курстарды қазақ тіліне даярлаудың аяқталғаны туралы хабарлады. Бұл туралы ҚР Ғылым және жоғары білім вице-министрі Динара Щеглова министрліктің кеңейтілген алқа отырысында мәлімдеді. 

ЖИ бойынша білім беру бағдарламаларын мем­ле­кеттік тілге локализациялау – қазақстандық сту­дент­тер мен жас мамандар үшін озық білімнің қол­жетімділігін қамтамасыз етуге маңызды қадам. Жақында студенттер машиналық оқыту, деректерді тал­дау, нейрондық желілер және әртүрлі салаларда жасанды интеллектіні практикалық қолдану сияқты көп­теген тақырыпты қамтитын курстарды пай­да­лана алады.
«Біз студенттерге жасанды интеллект сала­сын­дағы озық білімге өз ана тілінде қол жеткізе отырып, цифр­лық экожүйені дамытуда Қазақстанды қолда­ғаны­мызға қуаныштымыз. Біздің мақсатымыз – еліміздің технологиялық прогресіне елеулі үлес қоса ала­тын мамандардың жаңа буынын оқыту ғана емес, шабыттандыру», – деді Huawei өкілі.
Вице-министр өз сөзінде бұл жобаның маңыз­дылығын атап өтті.
«Huawei-мен бірлесіп жүзеге асырылатын жасан­ды интеллект бойынша курстарды қазақ тіліне кө­шіру – білім беруді цифрлық трансформациялау стра­­­тегиясының маңызды элементі. Бұл бастама Ин­дустрия 4.0 сын-қатерлеріне дайын жоғары білік­ті кадрларды қалыптастыруға мүмкіндік беретініне сенім­діміз», – деді ол.
Сонымен қатар бұл курстар студенттерді оқы­тудың бастапқы кезеңінде жасанды интеллект саласында базалық біліммен қамтамасыз ету үшін ҚР ҒЖБМ бастаған AI-Sana инновациялық бағдар­лама­сының бөлігі болады. AI-Sana бағдарламасы әлем­нің жетекші сарапшыларының басшылығымен Қа­зақстанның ЖИ саласындағы болашақ маманда­рын даярлауға бағытталған.
Huawei курстарының бағдарламасы Қазақ­стан­ның жетекші жоғары оқу орындарының базасында онлайн және офлайн форматтарда іске асырылатын болады. Оқуды аяқтағаннан кейін қатысушылар ЖИ са­ла­сындағы біліктілігін растайтын сертификат ала­ды.