Әлемге танымал жанкүйер, футбол жарыстарынан қалмайтын Мануэль Касерес Артесеро (лақап аты – Маноло-дабылшы) 76 жасында қайтыс болды, деп хабарлайды turkystan.kz Football Espana-ға сілтеме жасап.
Ауруханаға түскен Маноло тыныс алу органдарының асқынуы салдарынан қайтыс болған. Футболдан Испания ұлттық құрамасы Instagram-дағы ресми парақшасында Манолоның туған-туыстарына көңіл айтып, жазба жариялады.
Олар оны ең адал жанкүйерлердің бірі екенін атап өтті. Маноло Испания құрамасын қолдау үшін 9 әлем чемпионаты мен 8 Еуропа чемпионатына барған.
