Ведомствоның мәліметінше, өрт 500 шаршы метр аумақты қамтыған
ҚР Төтенше жағдайлар министрі, генерал-майор Шыңғыс Әрінов өртті сөндіру жұмыстарын тікелей үйлестірді және басқарды, деп хабарлады ТЖМ баспасөз қызметі.
Министр Алматы облысы, Талғар ауданы, Жаңалық ауылында жаңа өрт сөндіру бөлімін ашу мақсатында іссапармен келген.
Ведомствоның мәліметінше, өрт 500 шаршы метр аумақты қамтыған.
“ТЖМ күштерімен өрт 500 шаршы метр аумақта толығымен сөндірілді. Нақтыланған деректер бойынша, Алматы облысы, Талғар ауданы, Жаңалық ауылы маңында, жол бойында орналасқан резеңке бұйымдарын өңдейтін ЖШС аумағының сыртында жиналған резеңке-техникалық бұйымдар жанған. Қазіргі уақытта оқиға орнында анықтаушылар мен өрт сынақ зертханасы жұмыс істеуде. Өрттің шығу себебі анықталуда,” – делінген хабарламада.
Тілсіз жауды ауыздықтауға Алматы облысы мен Алматы қаласы ТЖД-ның 12 техникасы және жеке құрамнан 37 қызметкер жұмылдырылды.
