Петропавлдағы ағаш материалдарын сататын кәсіпорын аумағында өрт шықты

Петропавл қаласындағы Ж.Қизатов көшесінде орналасқан ағаш материалдарын сататын кәсіпорында өрт шықты. Тілсіз жау екі жүк көлігі тұрған гаражда тұтанған, деп хабарлады ТЖМ баспасөз қызметі.

ТЖМ қызметкерлері өртті кәсіпорын аумағында оқшаулады. 252 шаршы метр алаңдағы өрт сөндіріліп, зардап шеккендер туралы ақпарат алынбады.

Кәсіпорындағы материалдардың тез жануы өртті ауыздықтауда қиындық тудырды, алайда өрт сөндірушілердің жылдам әрекетінің арқасында өрт уақытында сөндірілді.