263
Біз секундына бар болғаны 10 бит жылдамдықпен ойланамыз – зерттеу
Бұл көп тапсырмаларды қатар орындау қабілеті туралы түсінік иллюзия екенін көрсетеді.
Ғалымдардың айтуынша, ми өте жалқау «механизм». Біз секундына бар болғаны 10 бит жылдамдықпен ойланамыз.
Салыстырып көріңіз: қарапайым Wi-Fi жылдамдығы біздің миымыздан 5 миллион есе жылдам. Сезім мүшелері әр секундта 1 миллиард бит ақпарат жинайды, бірақ ми оның тек 10 битін ғана өңдейді. Қалғаны сүзгіден өтіп, назарымызға ілікпей қалады.
Ми барлығын белгілі бір ретпен өңдеуді талап етеді және екі тапсырманы бір мезетте шеше алмайды. Бұл көп тапсырмаларды қатар орындау қабілеті туралы түсінік иллюзия екенін көрсетеді.
Тағы бір қызық дерек: біз әлемді барлық егжей-тегжейлі көріп отырмыз деп ойлаймыз, бірақ шын мәнінде, миымыз тек кішкентай «нүктеге» ден қояды. Қалған ақпаратты ол естеліктер мен болжамдар арқылы өзі «толықтырып» отырады. Бұл біздің шындықты қабылдауымыз қаншалықты шектеулі екенін көрсетеді.
