Адамдар зеріккіш болып барады – зерттеу

Қазіргі цифрлық дәуірде көңіл көтеру бұрын-соңды болмаған қолжетімділікке ие болса да, адамдардың іш пысуы бұрын соңды болмаған деңгейге жеткен. Зерттеушілер бұл құбылыстың басты себебі ретінде цифрлық медианың қолданылуын айтады.  

Зерттеулерге сәйкес, әсіресе жасөспірімдер мен студенттер арасында зерігу деңгейі 2009 жылдан бері айтарлықтай өскен. Іш пысудың созылмалы түрі мазасыздық, депрессия және агрессивті мінез-құлық сияқты мәселелермен байланысты болғандықтан, бұл тенденцияның себептерін түсіну маңызды.  

Зерттеушілер цифрлық медианың құрылымы мен табиғаты зерігуді күшейтуі мүмкін деп болжайды. Олар цифрлық құрылғылар адамдардың зейінін шашырататынын, күнделікті іс-әрекеттен мағына көруді азайтатынын айтады. Бұл факторлар іш пыстыруды жеңілдетудің орнына, оны арттыра түсетін цикл қалыптастыруы мүмкін.  

Мысалы, әлеуметтік медианың эволюциясы – мәтіннен суретке, одан қысқа бейнелерге көшу – адамдардың тез және қарқынды ынталандыруды талап ететінін көрсетеді. Нәтижесінде, кітап оқу немесе дәріс тыңдау сияқты белсенділіктер мұндай ынталандыру деңгейімен салыстырғанда іш пыстырарлық болып көрінуі мүмкін.  

Сонымен қатар, смартфондар мен басқа құрылғылар назарды шашыратып, бір әрекетке шоғырлануды қиындатады. Зерттеулер көрсеткендей, құрылғының жақын болуының өзі адам назарын төмендетіп, бетпе-бет әлеуметтік қарым-қатынастардан алатын жақсы эмоция деңгейін азайтады. Бұл жағдай адамдардың іш пыстыру сезімін күшейтеді.  

Tam мен Inzlicht цифрлық медиа адамдардың назарын бұзып, оларға жоғары талап қоятынын, сол арқылы зерігу деңгейінің артуына ықпал ететінін алға тартады.  

Зерттеу People Are Increasingly Bored in Our Digital Age деген атаумен жарық көрді.