Жер бетінде тіршілік қалай пайда болды? – Харвард ғалымдары жаңа теория ұсынды

Харвард ғалымдары Жер бетінде тіршілік пайда болуына қатысты жаңа теория ұсынды, оның себебі — найзағай деген болжам пайда болды. Бұл туралы The Harvard Gazette жазды. 

Ғалымдардың жаңа теориясына сүйенсек, Жерге түскен найзағайдан алғашқы тіршілік молекулаларын құруға себеп болған химиялық реакциялар басталған.

Зертханада жүргізілген тәжірибелер найзағайлардың көмірқышқыл газы мен азотты қарапайым органикалық молекулаларға айналдыра алатынын көрсетіпті. Бұл молекулалар ДНҚ мен ақуыздардың құрылымдық негізі, ал олар — бүкіл тіршіліктің негізі.