Фильмдегідей: Ғалымдар қатты қағаздың артындағын "көре алатын" камера жасап шығарды

Яғни ғалымдар қағаз пакеттер мен сөмкелердің, қораптардың ішінде не бар екенін оларды ашпастан білуге мүмкіндік беретін жаңалық ашып отыр.

Фильмдегідей: Ғалымдар қатты қағаздың артындағын "көре алатын" камера жасап шығарды
сурет: istockphoto.com

Далластағы Техас университеті (UTD) және Сеул ұлттық университеті (SNU) ғалымдары бірлесіп қалыңдығы қатты қағаздың қалыңдығындай болатын кез келген материалдың артындағы бейнені суретке түсіре алатын камера жасап шығарды, деп хабарлайды turkystan.kz newatlas.com-ға сілтеме жасап. 

Смартфонға орнатуға арналған технология адамзатты фантастика фильмдеріндегідей көру қабілетіне ие болуға бір қадам жақындатады. Дегенмен, өнертабыста рентген сәулелері жоқ екенін айтып өту керек. Яғни ғалымдар қағаз пакеттер мен сөмкелердің, қораптардың ішінде не бар екенін оларды ашпастан білуге мүмкіндік беретін жаңалық ашып отыр.

Бұл технология Суперменнің рентген сияқты көру қабілетіне ұқсас. Әрине, біз зиян болуы мүмкін рентген сәулелерінің орнына 200-ден 400 гигагерцке дейінгі сигналдарды қолдандық, - дейді Электротехника профессоры, Техас аналогтық шеберлік орталығының директоры және зерттеу авторларының бірі О.Кеннет.

Сурет сканерінің микрочип технологиясы алғаш рет 2022 жылы таныстырылған, бұл студенттер, зерттеушілер және қызметкерлер тобының 15 жылдан астам жұмысының жемісі болды. Чип терагерц (THz) диапазонында сәуле шығарады, яғни 0,1 THz (100 ГГц)-ден 10 THz-ге дейінгі жиілік диапазонындағы электромагниттік сәулелену, сәйкес толқын ұзындығы 3 мм-ден 0,03 мм-ге дейін. Адам көзіне көрінбейтін және қауіпсіз деп саналатын бұл толқындардың жиілігі радиотолқындар мен микротолқындарға қарағанда жоғары, бірақ инфрақызыл жарық жиілігінен төмен.

Зерттеушілер смартфонға орналастырылған микрочип сканері құбырлардағы жарықтарды анықтаудан бастап конверттер мен пакеттердің ішінде не бар екенін анықтауға дейін қолданылады деп болжайды. Олар сондай-ақ медицинада да қолданылады деп болжап отыр.

Зерттеуге миллиметрлік толқындар мен жоғары жиілікті микрожүйелер саласындағы Texas Instruments (ti) іргелі технологиялық зерттеулер бағдарламасы және Samsung жаһандық зерттеулер бағдарламасы қолдау көрсеткен.