Кәсіби теннисшілер қауымдастығы (ATP) жаңартылған рейтингті жария етті, деп хабарлады turkystan.kz.
BasSport.kz сайтының дерегінше, өткен аптада Дубай АТР 500 турнирінің финалына дейін жеткен Қазақстанның көшбасшы теннисшісі Александр Бублик рейтингіде 23-тен 20-ға көтерілді. Бұл — оның спорттық жолындағы ең үздік, рекордтық көрсеткіші.
Тағы бір қазақстандық Александр Шевченко 47-ден 51-ге сырғыса, Тенерифе (Испания) челленджер жарысының жеңімпазы атанған Михаил Кукушкин 165-тен 140-қа жоғарылады. Денис Евсеев 179-дан 180-ге, Бейбіт Жуқаев 190-нан 191-ге түсіп қалды.
Дмитрий Попко 309-дан 276-ға, Тимофей Скатов 272-ден 269-ға шықты. Жұптық сында Александр Недовесов 49-дан 45-ке көтерілсе, Андрей Голубев 70-тен 71-ге төмендеді.