Қостанайда жантүршігерлік жол апатынан 2 адам қаза болды
Тағы 6 адам зардап шекті
Қостанай облысында кеше жол апаты болып, салдарынан 2 адам қаза тапты. Тағы 6 адам әртүрлі жарақат алған, деп хабарлады turkystan.kz Халық үніне сілтеме жасап.
Өңірлік полиция департаментінің порталға берген ақпаратына сәйкес, кеше «Алматы-Қостанай-Екатеринбург» тасжолында Станционный ауылы маңында SsangYong Musso көлігін басқарған 72 жастағы жүргізуші «КамАЗ»-бен соқтығысқан.
Соққыдан SsangYong айналып кетіп, оны Lada Granta соқты. Соқтығыс салдарынан SsangYong жүргізушісі мен жолаушысы оқиға орнында алған жарақатынан қаза тапты, - делінген хабарламада.
SsangYong көлігінің тағы 3 жолаушысы ауруханаға жеткізілген. Одан бөлек, Lada Granta жүргізушісі мен 2 жолаушысы зардап шеккен.
Аталған факті бойынша Қылмыстық кодекстің 345-бабы 4-бөлігі («Абайсызда екі адамның өліміне әкеп соқтырған жол қозғалысы ережелерін бұзу») бойынша сотқа дейінгі тергеу басталды. Сараптамалар тағайындалған.
