Қазақстан құрамасы футзалдан Нидерланд командасын жеңіп, әлем чемпионатына жолдама алды, деп хабарлады turkystan.kz.
Осылайша, ел құрамасы футзалдан Өзбекстанда өтетін әлем чемпионатына жолдама алды.
Жақсылық Үшкемпіров атындағы жекпе-жек сарайында өткен ойында футзалшылар Нидерланд құрамасын 2:0 есебімен жеңді.
Айта кетейік, ұлттық құрама 20 желтоқсан күні Өзбекстанда өтетін әлем чемпионатының іріктеу кезеңіндегі соңғы ойынын Румынияға қарсы өткізбек.