تۇركى حالىقتارىن بىرىكتىرەتىن قادام

«نۇر وتان» پارتياسى يندەر اۋداندىق فيليالىندا ەلباسى ن.نازارباەۆتىڭ «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» قاۋلىسىنا وراي دوڭگەلەك ۇستەل ءوتتى.

«يندەر» باستاۋىش پارتيا ۇيىمى وتكىزگەن شارادا «نۇر وتان» پارتياسى يندەر اۋداندىق فيليالى توراعاسىنىڭ ءبىرىنشى ورىنباسارى وتەپبەرگەن ورازعاليەۆ لاتىن الىپبيىنە كوشۋدەگى ناعىز جاۋاپتى ءسات ەندى باستالىپ، وعان جاۋاپكەرشىلىكپەن قارايتىن كەزەڭ تۋعانىن ايتتى.

– ءالىپبي اۋىستىرۋ – جاي عانا تاڭبا اۋىستىرۋ ەمەس. بۇل – جاڭاشا ءومىر سۇرۋگە، ۇلتتىق بولمىسقا اسەر ەتەتىن ماڭىزدى قادام. ۇلتتىق جازۋىمىزدى ءوز ەركىمىزگە ساي، بۇگىنگى گرافيكالىق قاجەتتىلىكتەردى ەسكەرە وتىرىپ، وزگە ەلدەرگە ۇلگى بولارلىقتاي جاساقتاپ الۋ مۇمكىندىگى تۋىپ تۇر. لاتىن الىپبيىنە كوشۋ – تۇركى حالىقتارىن بىرىكتىرىپ، ورتاق عىلىمي ءارى اقپاراتتىق كەڭىستىككە باستايدى، – دەگەن ءو.ورازعاليەۆ تاريحىمىزدا جاڭا پاراق اشىلعالى تۇرعانىن ايتتى.

جيىندا ءسوز العان «يندەر» باستاۋىش پارتيا ۇيىمى توراعاسىنىڭ ورىنباسارى باقبەرگەن ساحيپوۆتىڭ ايتۋىنشا، ەلىمىز وركەنيەتى دامىعان وتىز ەلدىڭ قاتارىنان كورىنۋى ءۇشىن دە زامان تالابىنا ساي ىلگەرى قادام باسۋ قاجەت. بۇل تۇرعىدا ەلىمىزدىڭ ءوز ءالىپبيىنىڭ بولۋى – وڭ وزگەرىستەرگە اكەلەدى. قاتىسۋشىلار لاتىن الىپبيىنە كوشۋ – تۇركىتىلدەس ەلدەردى جاقىنداستىراتىن ماڭىزدى شەشىم ەكەنىن تىلگە تيەك ەتتى.

 

 

ۇقساس جاڭالىقتار

Back to top button