Астанада «Заң мен тәртіп» қағидаты аясында 8 тамыз күні Спорт күніне орай жаппай велошеру өтеді, деп хабарлайды turkystan.kz.
Іс-шараның мақсаты – салауатты өмір салтын насихаттау және бұқаралық спортты дамыту.
Қатысушыларды онлайн тіркеу 5 тамыз күні сағат 09:00-де reg.elordasport.kz сайтында басталып, белгіленген 700 адамдық лимитке жеткенге дейін жалғасады.
Тіркелген қатысушыларға лотерея билеттері 8 тамыз күні сағат 07:00-ден 08:30-ға дейін іс-шара өтетін жерде таратылады.
Велошерудің басталуы – сағат 09:00-де «Астана орманы» жасыл белдеуі аумағында. Бағыты: Қосшы – Үркер.
Қатысушылар 21 шақырым қашықтықты жүріп өтеді.
Іс-шара соңында қатысушылар арасында 10 велосипед ойнатылады.
Велошеру Астана қаласы әкімдігінің, қалалық Дене шынықтыру және спорт басқармасының және Астана қаласы әкімдігінің Спорттық-бұқаралық іс-шараларды өткізу дирекциясының қолдауымен ұйымдастырылады.
