Оңтүстік Корея мен Қазақстан: Білім беру мен цифрлық технология саласындағы байланыстар арта түспек

Өткен аптада Алматыда Корея Республикасының жетекші сарапшылары қатысуымен 
ACT Creative Tech Week 2026 халықаралық форумы өтті. 
Іс-шараға Қазақстан мен Корея Республикасынан білім беру, креативті индустрия, жасанды интеллект және цифрлық технология саласының өкілдері қатысты.

Форумды өткізу Сеул қаласында «Диалог» аудар­машылар одағы» қоғамдық бірлестігі, Academy of Creative Technologies (ACT) және YLAB Academy арасында қол қойылған өзара түсіністік тура­лы меморандумды іске асырудағы алғашқы прак­тикалық қадам болды. Құжат білім беру, креа­тивті индустрия, жасанды интеллект және цифр­лық технология саласындағы ынтымақ­тас­тықты да­мытуды көздейді. Серіктестік аясында тараптар бір­лескен білім беру бағдарламаларын әзірлеп, ха­лықаралық іс-шаралар ұйымдастырады, ғылы­ми-зерттеу жобаларын жүзеге асырады және кә­сіб­и тәжірибе алмасады.
Academy of Creative Technologies (ACT) – Алма­ты­да­ғы ALT University базасында жұмыс істейтін ха­лықаралық білім беру платформасы. Ол жасанды ин­теллект, ақпараттық технология және креативті ин­дустрия бағыттары бойынша маман даярлаумен ай­налысады. Ал YLAB Academy – вебтундар мен зият­­керлік меншік (IP) саласындағы әлемдік көш­басшылардың бірі саналатын YLAB ком­па­ния­сы­ның білім беру бөлімшесі.
ACT Creative Tech Week 2026 аясында Алматыда ал­ғаш рет YLAB Academy сарапшылары сөз сөй­леді. Форум қатысушылары визуалды стори­тел­линг­тің заманауи тәсілдеріне, Webtoon жасауға, зият­керлік меншікті дамытуға және цифрлық кон­тент өндіруге арналған дәрістер мен шебердің са­бағына қатысып, іс-шара тәжірибе алмасуға, әлем­дік үрдістерді талқылауға және жаңа халық­ара­лық серіктестіктерді қалыптастыруға арналған маңызды алаңға айналды.
Ұйымдастырушылардың айтуынша, қазақ­стан­дық және кореялық білім беру ұйымдары ара­сын­дағы ынтымақтастық халықаралық деңгейдегі ма­ман даярлауға, креативті экономиканы дамы­ту­ға және білім беру үдерісіне заманауи техноло­гия­ны енгізуге жаңа мүмкіндік ашады.
Іс-шараның ашылуына Almaty Tourism Bureau өкілдері, шетелдік білім беру және технологиялық ұйымдардың өкілдері, сондай-ақ жасанды ин­тел­лект пен креативті индустрия саласындағы сарап­шылар қатысты.
Форумда сөз сөйлеген Корея Республикасының Алматыдағы Бас консулы Ха Тэ Ук: 
– 1992 жылы дипломатиялық қатынастар ор­нағаннан бері Корея Республикасы мен Қазақстан Рес­публикасы арасындағы ынтымақтастық тұрақ­ты түрде дамып, стратегиялық серіктестік дең­гейі­не көтерілді. Қазақстан Корея Респуб­лика­сы­ның Орталық Азиядағы ең ірі сауда және инвес­ти­ция­лық серіктесі. Екіжақты сауда көлемі шамамен 6 мил­лиард АҚШ долларына жетіп отыр. Ал екі ел аза­маттарының өзара сапарларының саны жыл сайын 110 мыңнан асады.
Көптеген жыл бойы екі елдің ынтымақтастығы энер­гетика, табиғи ресурстарды игеру және ин-
ф­ра­құрылым салаларында табысты жүзеге асы­ры­лып келеді. Алайда жаһандық технологиялық өз­геріс­тер жағдайында болашаққа бағытталған жаңа ын­тымақтастық бағыттарын дамыту айрықша маңызға ие.
Жасанды интеллект, өндірісті цифрландыру, креативті индустриялар мен цифрлық контент са­лалары алдағы кезеңде корей-қазақстандық әріп­тестігінің жаңа қозғаушы күшіне айналып, екі­жақты қарым-қатынасты жаңа деңгейге кө­теруге мүмкіндік береді деп сенемін.
Әсіресе, осы бағдарламаның басты қатысу­шы­лары – еліміздің болашағын қалыптастыратын жас буын өкілдері екені ерекше мәнге ие. Бүгінгі бі­лім алмасу мен кәсіби байланыстар келешекте екі мемлекет арасындағы ынтымақтастықтың бе­рік негізіне айналары сөзсіз, – деді.
ALT University Директорлар кеңесінің төрағасы Арс­лан Серіктегі апталық аясында оңтүс­тік­корея­лық бірқатар ұйымдармен ынтымақтастық ме­мо­ран­думдарына қол қою жоспарланғанын хабар­лады. Оның айтуынша, келісімдер бірлескен білім беру бағдарламаларын, ғылыми зерттеулерді, ака­демиялық тәжірибе алмасуды және озық техно­ло­гияларды енгізуді дамытуға мүмкіндік береді.
ACT Creative Tech Week бағдарламасы төрт ба­ғыт­ты қамтиды: визуальды оқиғалар мен вебтундар жа­сау, кино, анимация және жарнамада жасанды ин­теллектіні қолдану, өндірісті цифрландыру және бағдарламалаусыз қосымшалар әзірлеу.
Қатысушылар халықаралық креативті және тех­нологиялық индустрияда қолданылып жүрген практикалық құралдармен және кейстермен та­нысты.
 

А.ЖҰМАҒАЛИҰЛЫ