Ресейдің мәдениет күндері басталды

Кеше елордада Қазақстандағы Ресейдің мәдениет күндері басталды. Бағдарлама аясында өткізілетін шығармашылық және іскерлік іс-шаралар екі ел арасындағы мәдени-гуманитарлық ынтымақтастықты одан әрі нығайтуға бағытталған.

Кеше елордада Kinopark 7 IMAX Keruen ки­нотеатрында Мәдениет және ақпарат министрлігінің қолдауымен РОСКИНО ұйым­дастырған Ресей киносының фес­ти­валі басталды. 

– Қазақстандағы Ресей киносының фес­тивалі – екі елді өнер мен кинематогра­фия арқылы біріктіретін маңызды оқиға. Бұл іс-шара халықтар арасындағы достық­ты нығайту, мемлекетаралық мәдени ал­ма­суды дамытып, бұдан былай да табысты серік­тестікте болу үшін тағы бір маңызды қа­дам болмақ, – деп  атап өтті Ресей Фе­де­ра­­циясының Мәдениет министрі Ольга Лю­бимова. 

– Біз қазақстандық көрерменге бүкіл әлем көрермендерінің сүйіспеншілігіне ие болған фильмдерді ұсынатынымызға қуа­ныштымыз. Мәдени диалогтың бір бөлігі болу және Астанада заманауи орыс кино­сы­ның үздік үлгілерін көрсету біз үшін ай­рық­ша мәртебе, – деп түсіндірді РОС­КИ­НО-ның бас директоры Эльза Антонова. 

Фестиваль бағдарламасында ауқымды ау­диторияға арналған түрлі жанрдағы фильмдер бар. «Август» (реж. Н.Высоцкий, И.Лебедев), «Чебурашка 2» (реж. Д.Дья­чен­ко), «Буратино» (реж. Игорь Волошин), «Авиа­тор» (реж. Е.Кончаловский), «Первый на Олимпе» (реж. А.Михалков), «Красный шёлк» (Андрей Волгин), «Три кота. «Путе­шес­твие во времени» фильмдері ұсыныл­мақ. 

– «Газпром-Медиа Холдинг» отандық кон­тентті шетелде ілгерілетуге көп көңіл бөледі және бүкіл әлемде өтетін РОСКИНО фес­тивальдеріне тұрақты түрде қатысады. Қа­зақстандағы көрсетілімдер бағдар­ла­ма­сына холдингтің қолдауымен түсірілген «Первый на Олимпе» спорттық драма кірді. Кино – бұл бәріне ортақ тіл. Ал мұндай ішкі күш туралы оқиғалар көрерменге шабыт беріп, ештеңе түсіндірмей-ақ көрерменнің көңі­лінен шығады. Бұл фильмнің Қ­а­зақ­станда көрсетілетініне қуаныштымыз. РОС­КИНО мен Ресей Федерациясының Мә­де­ниет министрлігіне жүйелі жұмысы үшін алғыс айтамыз. Холдинг өз тарапынан адамдардың жүрегіне жол табатын жоба­ларға бұдан былай да салым салады,  –  деп атап өтті «Газпром-Медиа холдингінің» бас директоры Александр Жаров.

– «Буратино» фильмі классикалық сю­жет­ке сүйене отырып, әртүрлі елдер мен ұр­пақтардың көрермендерін біріктіруді жалғастырып, бала кезден таныс тарихтың за­манауи нұсқасын ұсынады. 2025 жылдың қорытындысы бойынша «Красный шёлк»  шетелдік прокаттағы ең сәтті фильм. Ре­сейде де, шетелде де, Қытайдағы прокатта да көрермендердің жоғары қызығушы­лы­ғына ие болды. Қазақстандық көрермендер бұл картиналарға жақсы баға беретініне се­нім­дімін. Біз үшін бұл кино арқылы елдер мен халықтар арасындағы диалогты дамы­ту­дағы маңызды қадам, – деп атап өтті Ұлт­тық Медиа тобының бас директоры Светлана Баланова. 

– «Первый на Олимпе» картинасы бас­ты кейіпкердің күресі мен оның жеңісі ту­ра­лы. Ерік-жігердің ең қиын сәттерде қа­лай шыңдалатыны туралы. Батырдың жеңісі кездейсоқ жетістік емес, ішкі дүние­сімен ұзақ жұмыс істеудің нәтижесі. Адам­дарға бұл трансформация мен тарихты тү­сіну үшін тіл де, мәдениет те кедергі кел­тірмейді, – деп түсіндірді режиссер Артем Михалков.

Сондай-ақ фестиваль қонақтары шы­ғармашылық делегация өкілдері – актерлер Дарья Кукарских («Авиатор»)  және Антон Савватимовпен («Первый на Олимпе») кез­десті. Олар көрермендерге фильмдерді та­ныс­тырып әңгімелесті.