Рим Папасы Лев XIV көк атты сыйға алды, деп хабарлайды turkystan.kz.
ANSA агенттігі Протон атты бұл жылқы Польшада өсірілгенін жазған.
Сыйлықты кім бергені нақты айтылмады. Бұл оқиға дәстүрлі жалпы қабылдау кезінде болған.
Лев XIV жақсы шабандоз саналады. Оның Кастель-Гандольфодағы жазғы резиденциясында бірнеше жылқысы бар, және Папа бұл жерге жиі барып тұрады.
Агенттіктің мәліметінше, Лев XIV Перуде 20 жылдан астам миссионер болып қызмет еткен кезінде шалғай ауылдарға жету үшін атпен жүрген.
Дәстүр бойынша, сәрсенбі күндері Әулие Петр алаңында немесе Павел VI залында өтетін жалпы қабылдау кезінде Папаларға ерекше әрі көлемді сыйлықтар беріледі. Мысалы, қазіргі понтификтің алдындағы Папа Францискіге белгілі маркалардың автокөліктері мен мотоциклдері сыйланған. Көп жағдайда мұндай сыйлықтар қайырымдылыққа тапсырылған.
