Блогер, актриса әрі дизайнер Айжұлдыз Адайбекова әлеуметтік желіде «Адамс отбасы» (Addams Family) стилінде түсірілген отбасылық фотоларын жариялады. Ерекше образ көпшіліктің пікірін екіге бөлді: бірі идеяны шығармашылық ізденіс деп бағаласа, енді бірі мағынасын түсінбей қалды.
Айжұлдыз Адайбекова жаңа фотосессиясында готикалық эстетика мен отбасы құндылықтарын ұштастыруға тырысқан. Тас қара түстер, қатаң мимика және стилизацияланған реквизит — барлығы «Адамс отбасы» франшизасына тән атмосфераны береді.
Желі қолданушыларының реакциясы әртүрлі болды. Бір топ жазылушы «біртүрлі» емес, «ерекше» жұмыс деп бағалап, Айжұлдыздың бұрыннан бергі қайталанбас шешімдеріне тәнті екенін жазды. Басқалары фотолардың астарлы ойын түсінбей, идеяны қабылдай алмады.
Кей пікір иелері отбасылық концепцияға әлеуметтік мән беріп, «келінге құрмет» туралы ой қозғады: отбасы тамыры, ұрпақ жалғастығы, келінді жеке тұлға ретінде сыйлау секілді құндылықтарды алға тартты. Тағы бірі Айжұлдыздың «басқаша дүниелер жасайтынын» айтып, креативін қолдады.
Айжұлдыздың «Адамс отбасы» стиліндегі жұмысы отандық инфопространствоға тағы да қызу пікірталас әкелді. Бұл оқиға бір жағынан — креативтің шекарасы кеңейгенін, екінші жағынан — аудитория талғамының алуан екенін көрсетті. Қалай бағаласақ та, жоба авторының мақсаты — ой тастау және эмоция ояту екені белгілі.
