Орал – Атырау тасжолында патрульдік полиция қызметкерлері Toyota Alphard автокөлігін тоқтатып, көліктің жүк салғышынан 291 дана киік мүйізі салынған екі үлкен қорапты тіркіледі, деп хабарлады turkystan.kz.
Тексеру нәтижесінде аталған мүйіздер көлік жолаушысы – Бөкей ордасы ауданының 1982 жылы туған тұрғынына тиесілі екені анықталды.
Аталған дерек бойынша қылмыстық іс қозғалып, қазіргі уақытта сотқа дейінгі тергеп-тексеру амалдары жүргізілуде. Еске сала кетейік, мұндай құқықбұзушылық үшін үш жылдан бес жылға дейін бас бостандығын шектеу немесе сол мерзімге бас бостандығынан айыру, сондай-ақ мүлікті тәркілеу түріндегі жаза қарастырылған.
