Волейболдан Қазақстан чемпионатының XXXIII маусымы аясында ерлер арасындағы Ұлттық лиганың финалдық кезеңі аяқталды, деп хабарлады turkystan.kz.
Финалдық кездесулер нәтижесінде «Жайық» волейбол клубы шешуші ойында Ақтөбе командасын 3:1 есебімен жеңіп, Ұлттық лиганың чемпионы болды.
Айта кетейік, «Жайық» араға 27 жыл салып, өз тарихындағы чемпиондық атағын қайта жаңғыртты. Бұған дейін «Жайық-Конденсат» командасы 1998 жылы ел чемпионы атанған болатын.
Аталған жарыста екінші орынды «Ақтөбе» клубы алса , үшінші орынды «Атырау» командасы місе тұтты.
