жұма, 4 сәуір, 2025

Маңғыстау облысында көлік қозғалысы шектелді

/
istockphoto.com
Синоптиктердің болжамынша, 3 наурызда Маңғыстау облысында қар жауып, боран соғады, жолдарда көктайғақ күтіледі

2 наурыз, жексенбі күні сағат 23:30-дан бастап Маңғыстау облысында ауа райының нашарлауына байланысты көлік қозғалысына шектеу қойылады, деп хабарлады "ҚазАвтоЖол" компаниясы.

Барлық көлік түрлері үшін Доссор–Құлсары–Бейнеу–Сайөтес–Шетпе–Жетібай–Ақтау автожолының Бейнеу ауылынан Жетібай ауылына дейінгі 332-718 шақырым аралығында қозғалыс уақытша тоқтатылады. Жолдың болжамды ашылу уақыты – 3 наурыз, сағат 11:00.

Бұған дейін 3 наурызда Ақтау мектептерінде 1-11 сынып оқушылары ауа райына байланысты қашықтан оқитыны хабарланған еді.

Синоптиктердің болжамынша, 3 наурызда Маңғыстау облысында қар жауып, боран соғады, жолдарда көктайғақ күтіледі. Солтүстік-шығыста ауа температурасы -22°C-қа дейін төмендеуі мүмкін.

Бөлісу: