265
Сандуғаш Кенжебаева Түркиядағы жарыста үш рет қатарынан үздік атанды
Бұл жеңіс Сандуғаш Кенжебаеваның Анталиядағы турнирде қатарынан үшінші рет топ жаруы болды
Қазақстандық теннисші Сандуғаш Кенжебаева Түркияның Анталия қаласында өткен ITF W15 турнирінің жұптық сайысында чемпион атанды.
Финалда Сандуғаш германиялық серіктесі Жоэль Стойрмен бірге қазақстандық Асылжан Арыстанбекова және ресейлік Дарья Шадчнева жұбына қарсы ойын өткізді. Бірінші кезеңде Асылжан мен Дарья 6:3 есебімен жеңіске жетті. Алайда, екінші кезеңде Сандуғаш пен Жоэль 6:4 есебімен таразы басын теңестірді. Шешуші супер тай-брейкте олар қарсыластарынан басым түсіп, 10:2 есебімен жеңіске жетті.
Финалдық матч шамамен бір жарым сағатқа созылды. Бұл жеңіс Сандуғаш Кенжебаеваның Анталиядағы турнирде қатарынан үшінші рет топ жаруы болды.
