«Хәрри Поттер» сериалындағы Гермиона рөлін сомдауға 42 жастағы ер адам өтініш берген

Жаңа «Хәрри Поттер» сериалындағы Гермиона рөліне 42 жастағы ер адам өтініш беріп, кастингке қатыспақ болды. Алайда, рөл балалар мен жасөспірімдерге арналғандықтан, ол мақсатына жете алмады.  

Жаңа жобада Хәрри, Гермиона және Рон рөлдерін сомдайтын актерлерді таңдау үшін 32 мың бала кастингке қатысты. Кастинг барысы қатаң іріктеумен жүріп жатыр.  

HBO-ның мәлімдеуінше, түсірілімдер 2025 жылғы жазда басталады. Бұл сериал Дж. К. Роулингтің әйгілі «Хәрри Поттер» кітаптарының жаңа форматы  болады. Әр маусым кітаптардың біріне арналмақ, ал сериал сюжеті кітаптарға барынша жақын болады деп күтілуде.  

Жоба авторлары бүкіл әлемнен талантты балаларды іздеуде. Олар актерлердің мінез-құлқы мен харизмасы кітап кейіпкерлеріне сәйкес келуін маңызды санайды.