540
Өскеменде бір ай бұрын жоғалып кеткен 18 жастағы қыз өлі күйінде табылды
Анель Рауанқызы 12 қараша күні жоғалып кеткен
Өскеменде қараша айының ортасында жоғалып кеткен 18 жастағы жергілікті тұрғын өлі күйінде табылды.
Анель Рауанқызы 12 қараша күні жоғалып кеткен. Таңғы сағат 08:00-де ол “Металлург” саябағы маңындағы үйінен шығып, қайтып оралмаған.
Қыз жоғалған кезде қара футболка, жасыл толстовка, қара шалбар және етік киген. Туыстарының айтуынша, оның ұялы телефоны өшірулі болған. Анельді еріктілер мен полиция қызметкерлері іздестірген.
Бүгін, 14 желтоқсанда еріктілер жоғалған қыздың өлі күйінде табылғанын хабарлады. Этикалық себептерге байланысты оқиғаның мән-жайы жарияланбай отыр.
