128
Қазақстандық пара спортшылар халықаралық турнирде 4 медаль жеңіп алды
Додаға 14 мемлекеттен 69 спортшы қатысты.
Бахрейнде өткен боччадан World Boccia Challenger Manama 2024 турнирінде қазақстандық пара спортшылар 2 күміс және 2 қола медаль еншіледі.
Жарыста жекелей сында өнер көрсеткен Алмат Ерхат ВС1 классында 2-ші орын алса, Итиана Шингисханова ВС2 классында 3-ші орынға ие болды.
Командалық бәсекеде ВС1/2 класстары бойынша сынға түскен Итиана Шингисханова, Куаныш Аскарбеков және Александр Курмантаев 2-ші орын алса, жұптық бәсекеде BC4 классында Эльмира Мусралиева мен Руслан Ерембаев 3-ші орынды еншіледі.
Айта кетсек, халықаралық турнир Манама қаласында 14-21 қараша аралығында өтті. Додаға 14 мемлекеттен 69 спортшы қатысты. Жарыста Қазақстан құрамасы сапында 10 спортшы өнер көрсетті.
