Қытайлық кәсіпкер қабырғаға скотчпен жапсырылған бананды 3 есе қымбат бағаға сатып алды

Қытайлық криптовалюта саласының кәсіпкері банан мен скотчтан жасалған арт-объекті үшін 625 миллион теңге төлеп, оны бастапқы бағасынан үш есе қымбатқа сатып алды.

Бұл – өнер, мемдер және криптовалюта қауымдастығы арасындағы байланысты көрсететін мәдени феномен. Мен жұмыстың жаңа ойларға шабыт беріп, тарихтың бір бөлігі болатынына сенемін, – деп мәлімдеді кәсіпкер.

Сауда небәрі 6 минутқа созылды. Криптовалюташы бұл қаржыға банан, скотч, түпнұсқалық сертификат және арт-объектіні «орнату» жөніндегі нұсқаулық сатып алды.

Бұл ерекше өнер туындысы аукционда ерекше назар аударған еді. Қабырғаға жапсырылған банан атақты аукционда Клод Моненің 60 млн долларлық картинасымен қатар қойылды.  

Бірақ сатып алушыға бананның өзі емес, оның орнына қабырғаға жаңа банандарды шексіз жапсыру құқығы беріледі. Сатып алушы сертификат және скотч орамын алады. Бананды ауыстырып отыруға болады және ауыстыру ұсынылады.