Дональд Трамп АҚШ-тағы президент сайлауында жеңіске жетті

АҚШ-тың 45-ші бұрынғы президенті Дональд Трамп сайлауда жеңіске жетті. Оған берілген дауыстар саны басты қарсыласы Камала Харристен басым түсті.

Сайлау қорытындысы бойынша, Д. Трамп жеңіске жету үшін қажетті 270 сайлаушының дауысынан асып түсіп, яғни, 277 дауыс жинады, - деп хабарлайды Fox News.

Аталмыш телеарнаның мәліметінше, Харристің 226 дауысы бар. Оның жеңісін Өкілдер палатасының спикері Майк Джонсон да жариялады. 

Еске салайық, Трамп алғаш рет 2016 жылы бұрынғы мемлекеттік хатшы Хиллари Клинтонды жеңіп, президенттікке сайланған болатын. Ол 2020 жылы өткен сайлау кезінде Байденнен жеңіліп қалды. Бірақ екі жылға жуық үгіт-насихат жұмыстарын жүргізгеннен кейін 2024 жылғы сайлауда Ақ үйге қайта оралды.