Ұлттық тестілеу орталығы ҰБТ бойынша қорытынды мәліметпен таныстырды
ҰБТ басталғаннан бері 181 мыңнан астам талапкер тест тапсырды, деп жазады turkystan.kz.
Ұлттық тестілеу орталығы ҰБТ бойынша қорытынды мәліметпен таныстырды.
Оның ішінде:
Талапкерлердің 75,1% - ы қазақ тілінде, 24,8% - ы орыс тілінде, 168 адам ағылшын тілінде тестілеуден өтті;
- шекті балды 76,4%-ға жуық (139 мың) талапкер жинады;
- орташа балл – 68 балл;
- 641 ерекше білім беру қажеттілігі бар бала қатысты;
- ең жоғары балл – 140.
Ереже бұзғаны үшін 628 адамның нәтижелері жойылды. Атап өтсек:
- смартфон, шпаргалка және басқа да тыйым салынған заттарды алып өту әрекеті салдарынан 393 талапкер тест тапсыру мүмкіндігінен айырылды;
- тестілеу кезінде ережелерді бұзғаны үшін аудиториядан 188 адам шығарылды;
- бейнежазбаларды тексеруден соң ереже бұзған 47 адамның нәтижесі жойылды;
- бөгде тұлғалар анықталған жоқ.
