Моңғолияда тұратын әйгілі қазақ дәрігер қаза тапты

Жұбайы Еншібайқызы Банумен бірге жол апатынан қаза болды.

Моңғолияда тұратын әйгілі қазақ дәрігер қаза тапты
unuudur.kz

30 маусым күні Моңғолия Медицина ғылымдары академиясының академигі, Медицина ғылымдарының докторы, профессор Ануарұлы Нота жұбайы Еншібайқызы Банумен бірге жол апатынан қаза болды. Бұл туралы дәрігердің туыс-туғандары әлеуметтік желіде жазды.

Айта кетейік, Ануарұлы Нота Моңғолияның Еңбек ері атағын алған санаулы қазақтың бірі. Ол Моңғолияның Мемлекет қайраткері, Халық дәрігері, Моңғолияның Еңбек сіңірген дәрігері, Дүниежүзілік Нейрохирургия федерациясының мүшесі, Моңғолия Медицина ғылымдары академиясының академигі, Медицина ғылымдарының докторы, профессор, Кеңесші нейрохирург, "АЧ" Медицина университеті Хирургия кафедрасының меңгерушісі, "АЧ" Клиникалық Ауруханасының кеңесші дәрігері.

Ануарұлы Нота 1945 жылы 24 қазанда дүниеге келген. 2021 жылы Моңғолия президентінің жарлығымен Моңғолияның Еңбек ері атағын алған болатын.