Әлеуметтік желілерде жас жігіттің суға батып бара жатқан туысын құтқаруға асыққандығы, соның салдарынан оның өзі де қаза тапқаны хабарланды
Қайғылы оқиға Шора су арнасында болды. Оқиғаның мән-жайын Маңғыстау облысының ТЖД өкілдері айтып берді, деп хабарлады turkystan.kz Lada.kz-ке сілтеме жасап.
Әлеуметтік желілерде жас жігіттің суға батып бара жатқан туысын құтқаруға асыққандығы, соның салдарынан оның өзі де қаза тапқаны хабарланды.
Облыстық ТЖД қызметінің хабарлауынша, 22 маусымда сағат 20.55-те 112 нөміріне Ақтаудан 25 шақырым жерде суға түсуге арналмаған ер адамның суға батып бара жатқаны туралы хабарлама түскен. Сағат 21:01-ден бастап құтқарушылар оны іздеуге кірісті. Сағат 21.33-те жағадан 60 метр жерде екі метр тереңдіктен 1995 жылы туған жас жігіттің денесі табылып, судан шығарылды. Іздеу жұмыстарын бес маман жүргізген.
