Талдықорғанда жолдың бойынан 20 жастағы жігіттің мәйіті табылды
Жетісу облысының полицейлері аталған жағдайға қатысты түсініктеме берді.
Желіде Талдықорғанда 20 жастағы жігіттің мәйіті табылғаны түсірілген видео пайда болды, деп хабарлады turkystan.kz.
Stan.kz ақпарат агенттігінің мәліметінше, жігіттің Алматы әскери институтының курсанты екені белгілі болды.
«2024 жылғы 4 ақпанда сағат 13:30-да 2004 жылы туған жас жігіт А. Алматыға қарай такси ұстаған. Ата-анасы ұлдарымен телефон арқылы хабарласа алмаған. Кейін Назарбаев көшесі, 101, Горький мектебіне қарама-қарсы жолдың бойынан жігіттің денесі табылғаны анықталды», – делінген хабарламада.
Жетісу облысының полицейлері аталған жағдайға қатысты түсініктеме берді.
«Полиция суицидке итермелеу фактісі бойынша сотқа дейінгі тергеуді бастады. Қажет сараптамалар тағайындалып, тергеу амалдары жүргізіліп жатыр», – делінген хабарламада.
