Өскемен тұрғынынан 6 млн теңге бопсалаған әйел ұсталды

Өскемен қаласының полицейлері жергілікті тұрғыннан 6 млн теңге бопсалаған әйелді қолға түсірді, деп хабарлады turkystan.kz ШҚО полиция департаментінің баспасөз қызметіне сілтеме жасап.

Тәртіп сақшылары 26 жастағы әйелді ақша алып жатқан жерінен ұстаған.

Анықталғандай, әйел жәбірленушімен бұрын таныс болған. Оны жеке басына қатысты ақпаратты таратамын деп қорқытып, 6 миллион теңге талап еткен. Ер адам полицияға жүгінді. Ұйымдасқан қылмысқа қарсы күрес басқармасының жедел уәкілдері бопсалаушыны қолға түсірді, - делінген ақпаратта.

Қазір аталған факті бойынша сотқа дейінгі тергеу амалдары басталды. Әйел уақытша ұстау изоляторына қамалды. Барлық мән-жай анықталып жатыр.