«Қазақмыс» кенішінде 31 жастағы жұмысшы қаза тапты
Оқиға 26 желтоқсан күні сағат 18.30-да болған.
![«Қазақмыс» кенішінде 31 жастағы жұмысшы қаза тапты](https://turkystan.kz/cache/imagine/1200/uploads/resized-images/2023/12/1703643868.png)
Ұлытау облысындағы «Жыланды» кенішінде 31 жастағы жұмысшы көз жұмды, деп хабарлады turkystan.kz.
««Қазақмыс» компаниялар тобы Ұлытау облысында орналасқан «Жыланды» кенішінде 26 желтоқсан күні қайғылы оқиға болғанын қайғыра хабарлайды.
Сағат 18.30-да шахта учаскелерінің бірі – «Шығыс Сары-Обада» өздігімен жүретін жерасты машинасының өндіріс орнына қозғалысы барысында жүргізуші 1992 жылы туған машинисті абайсызда басып кетті. Салдарынан жұмысшы өлімге алып келген ауыр жарақаттар алды.
Арнайы комиссия жазатайым оқиғаның мән-жайы мен себебін анықтап жатыр.
«Қазақмыс» компаниясының басшылығы мен еңбек ұжымы қаза болған жұмысшының туыстары мен жақындарына көңіл айтады», - делінген компания мәліметінде.
Еске салсақ, бұған дейін 27 қарашада компанияның Жамбыл облысындағы «Жайсан» кенішінде Тау-кен жұмыстарын жүргізу кезінде Ғ.Омаров атындағы шахта проходкалау трестінің 1981 және 2002 жылы туған жұмысшылары ауыр жарақат алып, қаза тапқан болатын.