Желтоқсан айында қай күндер қауіпті екені айтылды
Күшті магниттік дауылдарды ауа райына тәуелді емес адамдардың өзі сезуі мүмкін
Магниттік дауылдар және олардың хал-жағдайға әсері жайлы естіген боларсыз. Бұл - Күндегі жарқылдардың әсерінен пайда болатын Жердің магнит өрісінің бұзылуы. Бұл тербелістер байланыс жүйесі жұмысына, сондай-ақ барлық тірі ағзаларға, соның ішінде адам денсаулығына да жағымсыз әсер етеді, деп жазды turkystan.kz massaget.kz-ке сілтеме жасап.
Магниттік дауылдар адамдардың денсаулығына жағымсыз әсер етуі мүмкін. Ол кезде бас ауруы, бас айналуы, буын ауруы, ұйқы бұзылуы және көңіл күй нашарлауы мүмкін.
Ресей ғылым академиясының ғарыштық зерттеулер институтының күн астрономиясы және гелиофизикалық аспаптар зертханасы мен Ресей ғылым академиясының Сібір бөлімшесінің күн-жер физика институтының мәліметтері бойынша, желтоқсан айында магниттік дауылдар жиі болады.
04, 06, 07, 12, 18, 23, 24 желтоқсан - орташа магниттік дауылдар;
01, 02, 05, 19, 22 желтоқсан - күшті магниттік дауылдар;
Күшті магниттік дауылдарды ауа райына тәуелді емес адамдардың өзі сезуі мүмкін.
Магниттік дауылдарға қалай дайындалу керек?
Бұл күндері өз хал-жағдайыңызды жақсарту үшін қарапайым ұсыныстарды орындау жеткілікті. Көп су ішу керек және дұрыс тамақтану қажет. Таза ауада көп уақыт өткізіңіз және ұйқы режимін сақтаңыз. Денсаулығыңызға қарай қарама-қарсы душ қабылдауға болады. Егер дәрігер ұсынысымен дәрі ішетін болсаңыз, оны өзіңізбен бірге алып жүруді ұмытпаңыз.
