Алматыда мектептің бас есепшісі бір жылда 46 млн теңге жымқырған
Сот үкімі заңды күшіне енген жоқ
![Алматыда мектептің бас есепшісі бір жылда 46 млн теңге жымқырған](https://turkystan.kz/cache/imagine/1200/uploads/resized-images/2023/11/1700931896.png)
Алматыда мектеп қызметкері 1 жылда 46 миллион теңге жымқырған, деп хабарлады turkystan.kz Tengrinews.kz сайтына сілтеме жасап.
Ол бір жыл бойы штаттық кестеде қарастырылған жалақыдан асатын қаражатты өзінің жеке шоттарына заңсыз аударып келген.
Қалалық прокуратураның хабарлауынша, аталған факті бойынша Бостандық ауданының прокуратурасы сотқа дейінгі тергеп-тексеруді бастады.
«Тергеу барысында мектеп бухгалтері өз кінәсін толығымен мойындады. Сот үкімімен кінәлі адам Қазақстан Республикасы Қылмыстық кодексінің 189-бабы 4-бөлігінің 2-тармағы (сеніп тапсырылған мүлікті иемдену және ысырап ету) бойынша материалдық-жауапты лауазымдарды атқару құқығынан 5 жыл мерзімге айыра отырып, 7 жылға бас бостандығынан айырылды", - делінген хабарламада.
Сот үкімі заңды күшіне енген жоқ.