Үш қалада экстремистік топ мүшелері ұсталды
Тергеу болжамы бойынша, олар Қазақстандағы зайырлы құрылымды құлатуды көздеген.
15 қарашада Ұлттық қауіпсіздік комитеті Бас прокуратураның үйлестіруімен сотқа дейінгі тергеп-тексеру шеңберінде Астана, Атырау және Жезқазған қалаларында радикалды діни топтардың ұяшықтары бейтараптандырды, деп хабарлады turkystan.kz.
ҰҚК мәліметінше, терроризмді насихаттау, сондай-ақ экстремистік топты құру, оған басшылық ету және оның әрекетіне қатысу бойынша күдікпен оның 12 мүшесі бірмезгілде ұсталды.
Тергеу болжамы бойынша, олар Қазақстандағы зайырлы құрылымды құлатуды көздеген. Ол үшін экстремистік идеологияны таратқан және қатарларына жаңа жақтастарды тартқан.
Фигуранттардың тұрғылықты мекенжайы бойынша тінту барысында тыйым салынған әдебиеттер мен басқа да дәлелді заттар айқындалды.
Топтың бірқатар мүшелері полиция қызметкерін өлтіру, бандитизм, қарақшылық, тонау және зорлау секілді ауыр қылмыстар жасағаны үшін бұрын сотты болғандар.
Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.
