Қаржылық тұрақтылық басты назарда

Қазақстан Президенті Ұлттық банк төрағасы Ерболат Досаевты қабылдады  деп хабарлайды Президенттің баспасөз қызметі. Мемлекет басшысына еліміз­дің қаржы нарығындағы қазіргі ахуал мен макроэкономикалық тұрақ­тылықты қамтамасыз ету үшін қабылданып жатқан шаралар жөнінде баяндалды. Сонымен қатар Мемлекет бас­шысының қабылдауында «Қаз­мұнайгаз Инжиниринг» компаниясы бас директорының кеңесшісі Жақсыбек Құлекеев пен Ұлттық қоғамдық сенім кеңесінің мүшесі, Еуропалық құқық және адам құқықтары институтының ди­ректоры Марат Башимов та бол­ды. Белгілі экономист, «Қазмұнай­газ Инжиниринг» компаниясы бас директорының кеңесшісі Жақсыбек Құлекеевпен кездесу кезінде еліміздің әлеуметтік-экономикалық дамуы жөнінде, мемлекеттік бюджеттің кіріс бөлігін қалыптастыру, Қазақстан экономикасының энергиялық ресурстардың экспортына тәуелділігін тө­мендету мәселелері талқыланды. Қасым-Жомарт Тоқаев экономикалық өсімді арттыру, фискалды және монеталық саясатты жетілдіру, кәсіпкерлікті дамыту, отандық өнім өндірушілерді қолдау бағыттарында кешенді шаралар қабылдаудың маңыздылығына назар аударды. Мемлекет басшысы Ұлттық қо­ғамдық сенім кеңесінің мүшесі, Еуропалық құқық және адам құқықтары институтының директоры Марат Башимовпен кездесу ба­рысында құқық қорғау жүйесіне, заң жобаларын жетілдіруге жә­не азаматтық секторды дамытуға қатысты мәселелер сөз болды. Қоғам қайраткері Мемлекет басшысының бейбіт жиындар туралы заңда жиын өткізу туралы алдын ала ескерту қағидаты болуы тиіс деген ұстанымын қолдайтынын айтты. Кездесу соңында Мәскеу мемлекеттік университетінің құрметті докторы Нұрсұлтан Назарбаевқа жоғары награда – «Мәскеу университетінің жұлдызы» табысталды.

Серіктес жаңалықтары