9 Қыркүйек, 16:00 177 0 Жаңалықтар Túrkistan Gazeti

Бақыт Сұлтанов әлеуметтік желілерде белсенді болмақ

ҚР Сауда және интеграция министрі Бақыт Сұлтанов жаз айларында қандай жұмыстармен айналысқаны туралы айтты.

«Кейінгі кезде жаңа қызметіме байланысты көп іссапарларға бардым. Жаңадан құрылған Сауда және интеграция министрлігіне қойылған негізгі міндеттемелердің бірі – ол Қазақстанның тауарларын сыртқа экспортталуын ілгерілету, сондай-ақ ішкі нарықтағы сауда-саттықтың сапасын арттыру. Осы орайда, қазақстандық өндірушілер үшін көп жүріп, маңызды жұмыстар жасайтын боламыз», - деді министр.

Бұдан бөлек Б. Сұлтанов ведомствоның жұмыс барысын баяндау бойынша тілшілер қауымымен жиі кездесуге уәде етті.

«Мұнымен қоса, әлеуметтік желілердегі аккаунттардың жұмысын қайтадан жандандырамын деп уәде бергім келеді. Жалпы, Мемлекет басшысының шешімімен министрлік уақтылы құрылып отыр. Өйткені бүгінде сыртқы экономикаларда болып жатқан оқиғаларға байланысты, соның ішінде «сауда соғыстары», интеграциялардағы өзгерістерге орай қазақстандық тауарлардың бәсекеге қабілеттілігін арттыру мен экспортты ұлғайту өте өзекті. Сондықтан министрліктің жұмысында, өзіміздің стратегиямызда аталған міндеттемелерге айрықша мән берудеміз», - деді Бақыт Сұлтанов.

Соңғы жаңалықтар