«قازاقتاردا ەركىندىك سەزىلەدى»

وڭتۇستىك كورەيانىڭ چجونچجۋ قالاسىندا «جىبەك جولىندا تۇراتىن ادامدار» اتتى فوتوكورمە اشىلدى. جەرگىلىكتى ونەرسۇيەر قاۋىمنىڭ نازارىنا 4 فوتوسۋرەتشىنىڭ تۋىندىلارى ۇسىنىلىپ وتىر. ولار ون كۇننىڭ ىشىندە قازاقستان، تاجىكستان جانە قىرعىزستاندى ارالاپ، جەرگىلىكتى تۇرعىنداردى تۇسىرگەن. فوتوسۋرەتشى كيم مين سۋ ەرتەدە وڭتۇستىك كورەيا مەن ورتالىق ازيانى ۇلى جىبەك جولى بايلانىستىرعانى تۋرالى ەستىپ، سول ايماقتى كورگىسى كەلگەن. قازاقستانعا ساياحات جاساۋدىڭ تاعى ءبىر سەبەبى ‒ ەلىمىزدە ايتارلىقتاي كورەي دياسپوراسىنىڭ قونىستانعانى. فوتوسۋرەتشىنىڭ ايتۋىنشا، قازاقستان ‒ شەكسىز دالاسى بار گۇلدەنگەن ەل. كيم مين سۋدى قازاقتىڭ قوناقجايلىلىعى سۇيسىنتكەن. «قازاقستاندىقتار ءاردايىم اشىق-جارقىن. تانىسىپ، تىلدەسۋدەن تارتىنبايدى. سۋرەتكە تۇسۋگە دە كەلىسەدى. كورەيادا، كەرىسىنشە، ادامدار كادرعا كىرمەۋگە تىرىسادى، ءتىپتى ارتىق اۋىز سويلەسپەيدى. قازاق حالقىنىڭ مىنەز-قۇلقىندا ەركىندىك سەزىلەدى. مەن جاس بولسام، قازاقستاندا تۇرۋشى ەدىم. مەن ءۇشىن باستىسى ‒ ەركىندىك سەزىمى»، ‒ دەيدى فوتوسۋرەتشى كيم مين سۋ.

 

ۇقساس جاڭالىقتار

Back to top button