Дүйсенбі, 26 Қыркүйек, 2022

Грекияда өрттен құрбан болғандар саны 70-ке жетті

Грекияда дүйсенбіде бірнеше ірі өрт шығып, соның салдарынан 70 адам қайтыс болды. Аттикте төтенше жағдай жарияланды,  деп хабарлайды РИА Новости.

Ел премьер-министрі Алексис Ципрас қаза болғандардың құрметіне үш күндік қаралы күн жариялады. Греция прокуратурасы өрттің неден шығуы мүмкін екенін анықтау үшін тергеу бастады, ал әскерилер Шығыс Аттикке көшкен өртті сөндіруге қатысып жатыр.

Агенттік мәліметінше, орман өрті Грецияда жазғы маусымда болып тұрады екен. 2017 жылы кей өңірлерде төтенше жағдай жарияланған. Соңғы күндері Грекияда ауа температурасы 40 градустық аптап болып тұр. Ал дүйсенбіде жел күшейіп от тез тараған.

Грецияның өрт сөндіру қызметінің сейсенбі күні таңертең берген ресми деректер бойынша, Шығыс Аттикте 49 адам қайтыс болған, 156 ересек адам жарақат алған, 16 бала ауруханаға түскен. Кейінірек Sputnik Греция қаза тапқандар саны 74-ке жеткенін хабарлады. Олардың арасында Польшадан келген екі турист бар – анасы мен баласы.

Рафина-Пикерми ауданының мэрі Эвангелос Бурнус өрттен мыңдаған үй мен үш жүзден аса автокөлік өртенгенін хабарлады. Мати елді мекені түгелдей өртеніп кеткен. Еуропаның бірнеше елі Грекиядағы төтенше жағдайға байланысты көмектесуге дайын екенін жеткізді.

Ұқсас жаңалықтар

Back to top button