ЕЛБАСЫ ҰЛЫҚ МЕРЕКЕМЕН ҚҰТТЫҚТАДЫ

Күллі мұсылман қауымы күткен қасиетті Құрбан айт мерекесі де келіп жетті. Ең ұлық мерекенің алғашқы күнін ел халқы мемлекеттік мереке ретінде атап өтті. Бұл күні жер-жерде айт намазы оқылып, құрбандық шалынды. Елбасы Н.Назарбаев барша Қазақстан жұртын Құрбан айт мерекесімен құттықтау үшін Астанадағы «Әзірет Сұлтан» мешітіне арнайы келді. 

Бұл мейрам – ұлт пен ұлыс­ты ұйыстыратын рухани ұлы құн­ды­лықтардың бірі. Осы қасиетті күндері көпшілік жұрт құрбандық шалып, бір-біріне тек жақсылық тілейді. Береке мен бірлікті, қайы­рым мен қанағатты арттыратын құтты мейрам – Құрбан айт адамдардың етене араласуына, ұлттар мен діндердің өзара ынтымақтастығына жол ашады.

Орта Азиядағы алып мешіттің қа­тарына кіретін «Әзірет Сұлтан» ме­шіті мұсылман қауымға лық толды. Айт намазы оқылып болған соң мұнда түске таяу мемлекет бас­шысы арнайы келді. Мерекені ме­шіт­тен бастаған Елбасы алдымен дұға қылды, кейін барша мұсылман қауы­мына ізгі ниетін білдірді. «Құрметті қазақстандықтар, бү­гін барлық мұсылман әлемі, дүние­дегі 1,5 миллиард мұсылман жұрт­шы­лығы еліміздің төл мерекесі сана­латын Құрбан айт мейрамын зор құрметпен өткізіп жатыр. Тәуелсіздігіміздің арқасында мың­даған қазақстандық қажылық жасап, Меккеде өздерінің намаздарын оқып, тілек тілеп жатыр. Сол тілектердің барлығы да қабыл болсын! Баршаңызды шын жүрегіммен Құрбан айт мейрамымен құттық­таймын, тілеген тілектеріңіз, шал­ған құрбандықтарыңыз Алланың құлағына шалынсын. Еліміз аман, жұртымыз тыныш болсын. Қазақ­тарды, мұсылмандарды Алла еш­қа­шан бірліктен ажыратпасын», – деді Елбасы. 

 Динара Дүрмән

Back to top button