«Жас қазақ» газетінің оқырман қауымға толайым тартуы бар. Әз Наурызбен төрлеткен жылқы жылында Arda атты журнал ақпарат кеңістігіне жол тартты. Жылқы мінездес қазақ қасиетті тұлпарын, ер қанатын айрықша қастерлеген. Журналдың атауына еркіндік пен тектілік секілді асыл ұғымдармен етене Қамбар Атаның ұрпағын таңдауымыз бекер емес.
Журнал халқымыздың ең қымбат қазынасы – Тәуелсіздігіміз бен Дербестігімізді бекемдету жолында еңбек етеді. Көзі ашық, көкірегі ояу азаматтардың рухани азығы, жан серігіне айналады деп үміттенеміз.
Индира Байсалбекова