БАРМАНҚҰЛОВ ОҚУЛАРЫ ӨТКIЗIЛДI

Өткен аптада әл-Фараби атындағы ҚазҰУ-дiң журналистика факультетiнде ғалым, педагог, белгiлi ұстаз Марат Барманқұлов оқулары аясында "Ақпараттық қоғам жағдайындағы электрондық БАҚ: ұлттық және жаһандық мәселелер және таяу болашақ" атты халықаралық жиын өттi.

Дәстүрлi "Барманқұлов оқулары" аясында өткен аталмыш басқосуды әл-Фараби атындағы ҚазҰУ-дiң ректоры Ғалымқайыр Мұтанов ашты. "Бұған бiрiншi кезекте БАҚ-тың жаңа сапасы ғана емес, барлық қоғамның дамуының белгiсi – ақпараттық-коммуникациялық технологиялардың дамуы, ТВ-ның сандық қалыпқа көшуi әсер етедi. Сөзсiз, бұған қоғамдық пiкiрдi қалыптастыру мен жас ұрпақты тәрбиелеуде ықпалы зор", – дедi ректор.

Тiлшi қауымға Барманқұлов есiмi етене жақын. Марат Кәрiбайұлы – елiмiздегi алғашқы тележурналистердiң бiрi, телевизиялық және радиожурналистика теориясының, сондай-ақ ҚазҰУ-дегi телевизия және радиожурналистика кафедрасының, телевизиялық және радиостудияның негiзiн қалаған адам. Ғалымның журналистиканың теориясы мен тәжiрибесiне арналған оқу құралдары мен тарихи тақырыптарға арналған мол мұрасы қалды.

Махаббат ӘДIЛХАНҚЫЗЫ

Ұқсас жаңалықтар

Back to top button