«كازاحسكوە دەلو» (جالعاسى)

كiمنiڭ كiم ەكەنi سىن ساتتەردە، ەل باسىنا كۇن تۋعاندا تانىلادى. سول الماعايىپ كۇردەلi قيىن كەزەڭدە التىن تونىمىزدىڭ جاعاسى، ەلدiڭ پاناسى دەپ جۇرگەن اعالارىمىز جاستاردان سىرت اينالعانىن قالاي جاسىرامىز. سىرت اينالعانى بىلاي تۇرسىن، ميىعىنان مىرس ەتiپ، تابالاعانىن قايتەرسiڭ. القالى جينالىستاردا كولبيننiڭ الدىندا جۇلقىنا سويلەپ، جاستاردى تiلدەرiنiڭ جەتكەنiنشە قارالاپ، باستارىنا بار پالەنi ءۇيiپ-توكپەدi مە. وسىعان وراي نۇرتاي سابيليانوۆتىڭ «ەگەمەن قازاقستان» گازەتiنە 2001 جىلى 4 جەلتوقساندا جاريالاعان «ءدال بiزدەي ۇل-قىزدارى بار ەلدiڭ ەشقاشاندا جىعىلمايدى جالاۋى» اتتى ساراپتاما ماقالاسىنداعى مىنا بiر جولدارعا كوز جۇگiرتكەنiمiز ءجون سەكiلدi.

«…قازiر ويلاپ وتىرساق، سول جەلتوقسان كوتەرiلiسiنە قاتىسۋشىلار تۋرالى قازاق زيالى قاۋىمى وكiلدەرiنiڭ بiرقاتارى: «ورتالىقتىڭ وكتەمدiگiنە نارازىلىقتارىن بiلدiرگەنi دۇرىس. بiراق مىناۋ ستۋدەنت-جاستاردىڭ شالاعايلاۋ iس-ارەكەتi عوي» دەپ نەمقۇرايلى قاراسا، ەندi بiرقاتارى: «بۇل نە سۇمدىق، كەڭەستiك رەجيمگە قارسىلىق كورسەتكەندەردi اياۋسىز جازالاۋ كەرەك» دەپ العاشقى ساتتەن باستاپ-اق مەيiرiمسiز ماڭگۇرتتiك پوزيتسيا ۇستاندى. اسiرەسە پارتيا جانە كومسومول جەتەكشiلەرiنiڭ اراسىندا مۇندايلار وتە كوپ بولدى».

ول اراعا ەكi جول سالىپ «جاس الاش» گازەتiنiڭ تiلشiسi ءامiرحان مەندەكەگە بەرگەن «ەرنازار مەن ەر توستiك» اتتى سۇحباتىندا وسى ويىن قايتا جالعاستىرعان.

«….جەلتوقسان وقيعاسىنان كەيiن iلە-شالا بiر اپتا بويى تەلەديدار مەن راديودان بiزدiڭ قادiرمەندi اعالارىمىز، iرi جازۋشىلارىمىز، كورنەكتi مادەني قايراتكەرلەرiمiز سويلەپ جاتتى. جاستار تۋرالى نە دەگەنiن بiلەسiز بە: «وڭباعاندار…»، «بۇزاقىلار…»، «جەتەسiزدەر»، «ناركوماندار»، «توقشىلىققا سەمiرگەندەر…»، «تاربيەسiزدەر…» جانە ت.ت. ال ەندi بiر اقىن اعامىز جاستاردى «يمانسىزدار» دەۋگە دەيiن باردى.

«سۇيiكتi» اعالارىمنىڭ ءسوزiن تىڭداي وتىرىپ، «اپىر-اي» ءوز جاستارىن وزدەرi جامانداعاندا، ءوز جاستارىن وزدەرi جاماندىققا قيعاندا، بۇلارعا بiرەۋ جاقسى ۇرپاعىن اكەپ بەرە مە؟! مۇنىسى نەسi…» دەپ قاتتى قينالدىم. قۇلازىدىم.

بۇرىن جازۋشىنىڭ سوزiنە يمانداي ۇيتىنمىن. جازۋشىنىڭ ءسوزiن پايعامباردىڭ سوزiندەي كورەتiنمiن. وسىدان كەيiن جازۋشىنىڭ، اقىننىڭ سوزiنە سىن كوزبەن قارايتىن بولدىم». (2003 جىل 4 ناۋرىز).

تەرگەۋشiلەرگە وقۋ كورپۋسىنىڭ بiر بولمەسi بوساتىلىپ بەرiلگەن. جاۋاپقا بارعان العاشقى كۇنi-اق ونىڭ كۇللi ءومiربايانىن الدىنا جايىپ سالدى. 1962 جىلى 1 ماۋسىمدا سەمەي وبلىسى، اياكوز اۋدانىنىڭ شىڭقوجا باتىر اۋىلىندا ومiرگە كەلگەنi، ورتا مەكتەپتi بiتiرگەن سوڭ شوپان «وربيتا» كومسومول-جاستار بريگاداسى قۇرامىندا بiر جىل قوي باققانى، اكەسi ساليحتىڭ شارۋاشىلىق ەسەپشiسi، اناسى قاسەنحاننىڭ ءۇي شارۋاسىمەن عانا اينالىساتىنى،1980-82 جىلدارى لەنينگرادتا اسكەري بورىشىن وتەگەنi، 1983 جىلى الماتى حالىق شارۋاشىلىعى ينستيتۋتىنىڭ دايىندىق كۋرسىنا وقۋعا قابىلدانىپ، بiر جىلدان سوڭ ەسەپ-ەكونوميكا فاكۋلتەتiنiڭ ستۋدەنتi اتانعانى، قازiر III-كۋرس وقۋ وزاتى ەكەنi تۇگەل جازىلىپتى.

تەرگەۋشiلەر ساستىرايىن دەدi مە بiردەن توپەلەتە سۇراقتار استىنا الدى. «رەكتور مامىروۆ ورتالىق كوميتەتتiڭ پلەنۋمى شەشiمi جونiندە سەندەرگە نە ايتتى؟»، «ستۋدەنتتەردi الاڭعا شىعۋعا ۇگiتتەگەن كiمدەر؟»، «وقىتۋشىلاردان ۇيىمداستىرۋشىلار بولدى ما؟»، «الاڭعا وزiڭنەن باسقا كiمدەر باردى؟»، «سەن الاڭعا جينالعاندار الدىندا نە دەپ سويلەدiڭ؟»

ول ابدىراپ سوزiنەن جاڭىلعان جوق. ءوزiن سابىرلى ۇستادى. ەلدە ءورiس العان دەموكراتيا مەن جاريالىلىققا بايلانىستى الاڭعا بارىپ، جاستار اراسىندا بولعانىن ايتتى. ال تەرگەۋشiنiڭ سوڭعى سۇراعىنا ۇستازى ۇلاننىڭ قۇلاعىنا قۇيعان جاۋابىن ايتۋدان تايمادى.

ونى تەرگەۋشiلەر اپتاسىنا ەكi نە ءۇش رەت جاۋاپ بەرۋگە شاقىرادى. نۇرتايعا بۇل كادۋەلگiدەي جۇمىس بولدى. ولار ابدەن جۇيكەسiن جۇقارتىپ، تورىمىزعا تۇسiرەمiز دەيدi. ال نۇرتاي ەرۋلiگە قارۋلىنىڭ كەرiن كەلتiرiپ، بiر سوزiندە تۇرىپ، ءداتiنiڭ بەرiكتiگiن تانىتتى. انالار ارا-كiدiك ونىڭ ۇستازدارىن شاقىرىپ، جاۋابىنىڭ راس-وتiرiگiن تەكسەرەدi. وسىلاي سەگiز اي سەندەلۋمەن ءوتتi. ەڭ سوڭىندا تەرگەۋشi:

– سابيليانوۆ، ازiرگە بiز iستi وسىمەن دوعارۋدى ۇيعاردىق. تەرگەۋدە بەرگەن بارلىق جاۋاپتارىڭ مىنا پاپكiدە، مەملەكەتتiك قاۋiپسiزدiك كوميتەتiندە ءۇش جىلعا دەيiن ساقتالادى. ەگەر وسى مەرزiم iشiندە سەنiڭ الاڭدا سويلەگەن ءسوزiڭ باسقاشا، ياعني وقيعانى ۇيىمداستىرۋ باعىتىندا بولعانى تۋرالى دەرەك شىقسا، وندا ۇلتشىل رەتiندە ۇستiڭنەن قىلمىستىق iس قوزعاپ، كەمi بەس جىلدى مويىنىڭا iلدiرەمiز، – دەدi كiجiنiپ.

تەرگەۋشiنiڭ ماقساتى جۇزەگە اسپادى. جەمتiگiنەن ايىرىلىپ قالعان جىرتقىشتاي تiسiن قايراتقان اشۋ-ىزاسى iشiندە كەتتi. نۇرتايدىڭ يىعىنان زiل باتپان اۋىر جۇك تۇسكەندەي بولدى. دۇنيەنiڭ كەڭدiگiن تەرگەۋدەن قۇتىلىپ، تىنىسى اشىلعاندا عانا سەزiندi. كوڭiلi كوك جۇزiندە ەركiن قالىقتاعان قىرانداي الىپ ۇشتى. الايدا سەگiز ايعا سوزىلعان تەرگەۋدiڭ تەپكiسi زالالىن تيگiزبەي قويمادى. لەنيندiك ستيپەنديادان قاعىلدى. «قۇرمەت تاقتاسىنداعى» سۋرەتi الىنىپ تاستالىندى. پارتياعا مۇشەلiككە كانديدات ەتۋگە جiبەرiلگەن انكەتاسى باسقاعا بۇيىردى. ينستيتۋت باسشىلىعى وقىتۋشى ەتiپ قالدىرماقشى بولعان. بiراق جەمە-جەمگە كەلگەندە «ۇلتشىل سابيليانوۆ قىزمەتكە الماتىدان تىسقارى، الىس وبلىستاردىڭ بiرiنە جiبەرiلسiن» دەگەن جوعارىنىڭ نۇسقاۋىنان اسا المادى. جولداماسىنا جامبىل وبلىسى دەپ جازىلىپتى.

نۇرتاي بۇل قياناتقا كونبەدi.

– مەنiڭ حالىق الدىندا ارىم دا، جانىم دا تازا. قايتكەندە دە الماتىدا قالامىن. استانا قازاقتارىنىڭ سانىن بiر كiسiگە بولسا دا كوبەيتiپ، سولومەنتسەۆتiڭ شەگەلەي تاپسىرعان شەكتەۋ پايىزىنا وزگەرiس ەندiرۋiم قاجەت.

ونىڭ بايلامى وسى بولدى. سول كەزدە ول الدىندا نە كۇتiپ تۇرعانىن اسا باعامداعان جوق. ديپلومدى مامان ەكەنiنە كوڭiلi شات. دەگەنمەن لايىقتى جۇمىس تابۋ وڭاي بولمادى. قاي مەكەمەگە بارسا دا، قاي ەسiكتi اشسا دا الدىنان «جەلتوقسانعا قاتىسقان»، «ۇلتشىل» دەگەن قارا تاڭبالى انىقتاما شىعىپ وتىردى. تابانىنان توزىپ، الماتىنى شىر اينالىپ، مىڭ اۋرەگە ءتۇستi. «جامبىل وبلىسىنىڭ قيىرداعى بiر اۋدانىنا بارعانىڭدا باس مامان اتانىپ، مايلى جiلiك جەپ وتىرار ەدiڭ» دەگەندەر دە بولدى. جۇيكەسiن جۇقارتىپ، ءتوزiمiن تاۋىسقان قانشاما كۇندەر ارتتا قالدى. بiراق ونى بولاشاعىنا دەگەن ءۇمiتi، جەلتوقسان كوتەرiلiسiندە شىڭدالعان ەرiك-جiگەرi، نامىسى العا قاراي جەتەلەدi. الماتى ەلەكتروتەحنيكا زاۋىتىنا ەكونوميست بولىپ تۇردى-اۋ ايتەۋiر.

جاس مامان بiلiم-بiلiكتiلiگiمەن كوزگە ءتۇستi. اراعا ساناۋلى جىلدار سالىپ، ەكi بولمەلi پاتەرگە دە قول جەتكiزدi. ەڭبەگi ماراپاتتالىپ، ماقتاۋعا بولەنiپ جاتسا دا ومiرلiك ۇستانىمىنان اينىعان جوق. ۇلتتىق مۇددەنi ۇدايى قاپەرiندە ۇستادى. سول كەزدە جۇرت ماسكەۋ تەلەارناسىنان بەرiلەتiن «كتو ەست كتو» باعدارلاماسىن ۇزبەي كورەتiن. نۇرتاي سابيليانوۆ سول باعدارلاما ارقىلى سسسر قورعانىس مينيسترi د.يازوۆقا جەدەلحاتپەن ءۇش ساۋال جولداعان ەدi.

1. كولبيننiڭ قازاق حالقىنا قارسى يمپەريالىق ساياساتىنا جانە سارىوزەكتەگi راكەتالاردى جويۋ iسiنە قاتىسىڭىز؟

2. ورتا ازيا اسكەري وكرۋگi جويىلدى. الماتىنىڭ جاندوسوۆ جانە پراۆدا كوشەلەرiنiڭ قيىلىسىنداعى ورتا ازيا اسكەري وكرۋگi شتابىنىڭ عيماراتىن سەمەي مەن ارالدان كوشكەندەرگە بەرۋ تۋرالى اكتiگە قاشان قول قوياسىز؟

3. 1986 جىلعى جەلتوقساننان كەيiن الماتىداعى جەرگiلiكتi ۇلت وكiلدەرi اسكەري ۋچيليششەسiن قۇرۋ تاعدىرى قالاي بولماق؟

ن.سابيليانوۆ 1991 جىلى 5 ساۋiردە د.يازوۆتان جاۋاپ الدى.

1. سارىوزەك – ەكولوگيالىق تالاپتار مەن باسقا دا كريتەريلەر بويىنشا راكەتالاردى جويۋ iسiنە العا قويعان ماقساتقا سايكەس ەڭ لايىقتى جەر دەپ تاڭداپ الىندى.

2. ورتا ازيا اسكەري وكرۋگi شتابىنىڭ عيماراتى سسسر قورعانىس مينيسترلiگiنە زاڭدى تۇردە بەرiلگەن. ونى باسقا يەلەرگە بەرۋ جوسپاردا جوق.

3. قورعانىس كۇشتەرiنە وفيتسەر كادرلارىن دايارلاۋ كەز كەلگەن ۇلت وكiلدەرiن قابىلدايتىن اسكەري وقۋ ورىندارىندا جۇزەگە اسىرىلادى. سوندىقتان رەسپۋبليكالاردا جەرگiلiكتi ۇلت وكiلدەرi اسكەري ۋچيليششەلەرiن قۇرۋ قازiر جوسپاردا جوق.

سiزدiڭ قويعان سۇراقتارىڭىزداعى وكتەمدiك اياۋعا تۇرارلىق. د.يازوۆ

سابيليانوۆتىڭ قويعان سۇراقتارى اسا ماڭىزدى. مينيستردiڭ وڭتايىنا كەلمەگەنi، جانىنا ۇلكەن سوققى بولىپ تيگەنi جاۋابىنان-اق بايقالىپ تۇر. يازوۆ ونىڭ بiرiنشi سۇراعىنىڭ العاشقى بولiگiن جاۋاپسىز قالدىرعان؟ ويتكەنi جەلتوقسان كوتەرiلiسiنە ءوزi دە تiكەلەي قاتىستى. گورباچەۆ كوتەرiلiستi باسۋ ءۇشiن ارناۋلى دايىندىقتان وتكەن باسكەسەر اسكەردi قولدانار الدىندا ونىمەن كەڭەسكەنi كامiل. اسكەري كۇش قولدانىپ، ەرiكسiز كوندiرۋ يمپەريالىق ساياساتتىڭ ەڭ باستى ءتاسiلi بولاتىن. ول كولبيننiڭ ورەسi جەتپەيتiن بيلiككە بارعانىن، كەيiن شالاعاي ۇر دا جىق iستەرiنەن جاقسى بiلدi. سول كەزگە دەيiن وزدەرi iشتەي بۇراتانا ساناپ كەلگەن ۇلت ساناسىنىڭ ويانىپ، جاستارىنىڭ جiگەرلiلiك تانىتىپ، مىسىن باسقاندارىن مويىنداماسقا امالدارى قالمادى. كپسس ورتالىق كوميتەتiنiڭ «قازاق ۇلتشىلدىعى» قاۋلىسىن قايتا قاراپ، وزدەرiنiڭ جوققا شىعارۋى ۇلكەن ءارi وكiنiشتi جەڭiلiس بولدى. الەم الدىندا يمپەريالىق ساياساتىنىڭ بەت پەردەسi سىپىرىلىپ، ماسقارا كۇيگە ءتۇستi. يازوۆتىڭ سول شىندىققا، وزدەرiنiڭ قانتوگiس iستەرiنە تiكە قاراۋعا بەتi بولمادى. سوندىقتان سۇراقتى جاۋاپسىز قالدىردى.

«سارىارقا» اكتسيونەرلiك كاسiپورىنى پرەزيدەنتi ەركiن قادىرجانوۆتىڭ ول تۋرالى پiكiرi جوعارى.

«…نۇرتاي ەسەپ-قيساپتىڭ دۇرىس جۇيەسiن دۇنيەگە اكەلiپ، جاڭا تۋىپ كەلە جاتقان نارىق زاڭىنا ساي جۇمىس iستەيتiن قارجى قىزمەتكەرلەرi ۇجىمىن قۇردى جانە ونى تاجiريبەگە، iسكە اسىرا بiلدi. نەبارi 27 جاستاعى نۇرتايدى زاۋىتتا iستەپ جۇرگەن شاعىندا «مىناۋ بiر ەتi تiرi جiگiت ەكەن» دەيتiنمiن. كومپانيا قۇرىلعاننان-اق جۇمىسقا شاقىرىپ الدىم. قازiر ۇجىمىمىزدىڭ بۇكiل قارجى جاعىن وسى نۇرتاي عانا باسقارادى. بiر جاعىنان ونىڭ اۋديتورلىعى بار…» («نامىس نايزاعايى» 97 بەت).

نارىقتىق قاتىناستىڭ العاشقى بالاڭ كەزەڭiندە نە بولىپ، نە قويمادى. ەبiن تاپقان ەپتiلەر ەكi اساپ جاتتى. سولاي قۋلىعىن اسىرىپ، تەز بايىعانداردى كوز كوردi. «اڭقاۋ ەلگە ارامزا مولدانىڭ» كەرi. بiراق نۇرتاي سابيليانوۆ ءوزi قىزمەت ەتەتiن اكتسيونەرلiك قوعامدا ونداي الاياقتارعا جول بەرمەدi. وندا دا ۇلتتىق نامىسىن جوعارى ۇستادى. بiر مىسال. «ەكسپرەسس ك» گازەتiنiڭ تiلشiسi گالينا شالەۆا جوعارىداعى اتالمىش سۇحباتىندا نۇرتاي سابيليانوۆتان ەل اۋزىندا جۇرگەن بiر وقيعانىڭ جايىن سۇرايدى.

«…–جۇرتتىڭ ايتۋىنا قاراعاندا ميلليونەر تەنiڭ «كەتۋi» تەك سەنiڭ…

– «سارىارقا» اكتسيونەرلiك قوعامىنىڭ اكتسيونەرلەرiنiڭ بiر بولiگi (اتاپ ايتقاندا «كرامدس» كورپوراتسياسىنىڭ پرەزيدەنتi تە، «كرامدسبانكتiڭ» باسقارما توراعاسى ابلوجەي جانە باسقالار) وزگە اكتسيونەرلەر ەسەبiنەن جارعىلىق قورداعى وزدەرiنە تيەسiلi ۇلەستi بارىنشا كوبەيتكiسi كەلدi. ارينە بۇعان ءبارi دە نارازى بولدى. بiراق سول كەزدە ابدەن بايىپ، اۋىزدارىن ايعا بiلەگەندەرگە اشىق تۇردە قارسى شىعۋعا باتىلدارى بارمادى. مەنiڭ تاۋەكەل ەتۋiمە تۋرا كەلدi. سول ءۇشiن مەنi كوپ ۇزاماي-اق جۇمىستان شىعارادى. مەن سوتتان ادiلدiك iزدەۋدi ۇيعاردىم. تانىس ادۆوكات ماعان: «ميلليونەرلەرمەن تەك تەوريالىق جاعىنان كۇرەسۋگە بولادى، ال iس جۇزiندە ايقاساتىن بولساڭ سەنiڭ وي-تۇجىرىمدارىڭ ساتسiزدiككە ۇشىرارى كامiل»، – دەپ تەجەمەكشi بولدى. دەگەنمەن مەن سوتتا ولاردى جەڭدiم. بiرiنشiدەن; سوت شەشiمiمەن مەنiڭ جۇمىسىمدى قايتا قالپىنا كەلتiردi، ەكiنشiدەن; تە مەن ونىڭ قولداۋشىلارىنىڭ «سارىارقا» اكتسيونەرلiك قوعامىنداعى جاساعان ءجونسiز ارەكەتتەرi زاڭسىز دەپ تانىلدى. مەن سوندا مىنانى ۇقتىم. سول كەزدە قازاقستان قۇقىقتىق مەملەكەت ەمەس دەگەن قاڭقۋ ءسوز ايتىلىپ جۇرسە دە، بiرiنشiدەن، سەن ءوز تالابىڭدى ناقتى ءارi دالەلدi تۇردە قويساڭ، ەكiنشiدەن، زاڭدى بiلەتiن بولساڭ، وندا شىندىققا قول جەتكiزە الاسىڭ. ايتپاقشى سول سوتتان كەيiن قۇقىق زاڭدىلىقتارىن تەرەڭiرەك بiلۋ ءۇشiن «كازگيۋا»-نىڭ كۇندiزگi بولiمiنە وقۋعا ءتۇستiم».

بۇگiندە نۇرتاي سابيليانوۆ قازاقستان رەسپۋبليكاسى پارلامەنتiنiڭ دەپۋتاتى، قازاقستان رەسپۋبليكاسىنىڭ اۋديتورى.

ءسوز سوڭى

ول ءار جىلدىڭ 17 جەلتوقسانىندا الماتىداعى ورتالىق الاڭعا بارادى. ءوزi قاتىسقان ىزعارلى ءارi قاھارلى جەلتوقسان كۇندەرiندەگi كوتەرiلiستi ەسiنە الىپ، ورەندەر رۋحىنا تاعزىم ەتەدi. سونداي بiر ساتتە جۋرناليست ەرتاي ايعاليەۆ وعان جەلتوقسان كوتەرiلiسi بويىنشا العاشقى اتۋ جازاسىن الىپ، كەيiن راحىمشىلىققا iلiنiپ، جەتi جىلىن تۇرمەدە وتكiزگەن مىرزاعۇل ابدiعۇلوۆتى تانىستىرعان ەدi. مىرزاعۇل جۇمىستىڭ رەتi بولماي بوس جۇرگەن. ۇيiندەگi ناۋقاسى اسقىنعان قىزىنىڭ قالi جانىنا باتىپ جۇرگەن جiگiتتە قاي بiر كوڭiل كۇي بولسىن. نۇرتاي ونىڭ قاجىعانىن سولعىن وڭiنەن بايقادى. ول ءوتiنiش ايتپاسا دا قالتاسىنداعى 500 دوللارىن شىعارىپ: «اعا، از دا بولسا كوپتەي كورiپ، قاجەتiڭiزگە جاراتىڭىز. قارىز ەمەس»، – دەپ ۇسىنعان. سول اقشا قىزىنىڭ ءومiرiن بiرنەشە ايعا ۇزارتتى. بۇل نۇرتاي سابيليانوۆ جاساعان جاناشىرلىقتىڭ جۇزدەن بiرi عانا. اياكوز اۋدانىنداعى ءوزi وقىعان ورتا مەكتەپتi كومپيۋتەرمەن جابدىقتاپ، مادەنيەت ءۇيiن كۇردەلi جوندەۋدەن وتكiزiپ جاڭارتقانى ءوز الدىنا بولەك اڭگiمە. جىل سايىن ءوزiنiڭ تۋعان كۇنi 1 ماۋسىمدا سەمەي وڭiرiندەگi بالالار ۇيلەرiنە بارىپ، مول سىي-سياپات جاساپ، سابيلەردi قۋانىشقا بولەپ قايتاتىنىن قالاي ايتپاسسىڭ. ونىڭ قايىرىمدىلىعىن تiزە بەرسە وتە كوپ. قايسى بiرiن ايتارسىڭ. ايتەۋiر جۇرتقا جاقسىلىق جاساعانعا جانى قۇمار. ۇلتىن شىن جۇرەگiمەن سۇيگەن جاننىڭ ءتول مادەنيەت پەن ونەرگە قولداۋ كورسەتiپ جاتقان يگi iستەرi قانشاما.

«جاس الاش» گازەتiنiڭ تiلشiسi ءامiرحان مەڭدەكەگە بەرگەن اتالمىش سۇحباتىندا كەزەكتi سۇراق-جاۋاپ بىلاي وربiگەن.

«…سiزدi تۋعان كۇنiن تويلامايدى دەپ ەستiدiك.

– تۋعان كۇن دەگەن نە؟ مەنiڭشە، تۋعان كۇن دەگەنiڭiز – ەسەپ بەرەتiن كۇن.

– سوندا… كiمگە ەسەپ بەرەتiن كۇن؟

– وزiڭە. ءوزiڭنiڭ iشكi دۇنيەڭە. كiمگە قارىزبىن؟ كiمدi رەنجiتتiم؟ نە iستەي الماي جاتىرمىن؟ ەلگە نەندەي پايدا كەلتiردiم؟ كiمگە زيان جاسادىم؟.. مiنە، وسىنىڭ ءبارiن ويلانىپ، تولعانىپ، قورىتىندىلايتىن جانە قورىتىندىلاي وتىرىپ، ءوز ارىڭنىڭ الدىندا ءوزiڭ جاۋاپ بەرەتiن كۇن».

مۇنداي ازاماتتى حالقى قالاي قادiرلەمەسiن.

ول ۇلتىن ءدال وسىلاي شىن سۇيمەسە «ۇلتشىل» اتانار ما ەدi.

كولباي ادىربەك ۇلى

ۇقساس جاڭالىقتار

Back to top button