قىرعىزستان قازاقستان ۇسىنعان 100 ملن دوللاردان باس تارتتى - ءسىم

قىرعىزستانعا 100 ميلليون دوللارىن ءبولۋ تۋرالى قازاقستانمەن كەلىسىمنىڭ كۇشىن جويۋ راسىمدەرى باستالعانىنا قاتىستى قر ءسىم تۇسىندىرمە بەردى.

«23 قازاندا قىرعىزستاننىڭ سىرتقى ىستەر مينيسترلىگى 2016 جىلعى 26 جەلتوقساندا قول قويىلعان قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى ەكونوميكالىق ينتەگراتسيا جاعدايىندا ەكونوميكالىق ىنتىماقتاستىقتى دامىتۋ تۋرالى كەلىسىمنىڭ جانە ونىڭ ءتيىستى حاتتامالارىنىڭ كۇشتەرىن جويۋ راسىمدەرىن باستاعانى جونىندە قازاقستان تاراپىنا رەسمي حابارلادى»، – دەلىنگەن ءسىم تاراتقان حابارلامادا.

ۆەدومستۆونىڭ حابارلاۋىنشا، قىرعىزستاننىڭ ەۋرازيالىق ەكونوميكالىق وداققا قوسىلۋ شەڭبەرىندە قازاقستان تاراپى قىرعىز ۇكىمەتىنە وزدەرى العان مىندەتتەمەلەردى ورىنداۋعا قاجەتتى تەحنيكالىق جاردەمدى كورسەتۋگە ۇنەمى دايىن بولعان. قول قويىلعان قۇجاتتار ۋاقتىلى راتيفيكاتسيادان ءوتىپ، بۇل جاردەمنىڭ ءبىرىنشى ترانشىن اعىمداعى جىلعى قاراشا ايىندا جىبەرۋ جوسپارلانعان.

«اتالعان قاراجاتتى بۇدان ەرتە مەرزىمدە بولۋگە بولار ەدى، الايدا قىرعىز تاراپىنىڭ قاجەتتى قۇجاتتار مەن ءتيىستى سمەتالاردى ۇسىنۋ ۇدەرىسى سوزىلىپ كەتكەنىن اتاپ وتكەن ءجون»، – دەدى ءباسپاسوز قىزمەتى.

 

 

ۇقساس جاڭالىقتار

Back to top button