ەلباسى ۇلتتىق قاۋىپسىزدىك كوميتەتىنىڭ توراعاسىنا تاپسىرما بەردى

نۇرسۇلتان نازارباەۆ ۇلتتىق قاۋىپسىزدىك كوميتەتىنىڭ توراعاسىن قابىلدادى.
ەلباسى نۇرسۇلتان نازارباەۆ ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆتى قابىلدادى، دەپ حابارلايدى اقوردانىڭ ءباسپاسوز قىزمەتى.

كەزدەسۋدە مەملەكەت باسشىسى ەلىمىزدە وتەتىن حالىقارالىق ءىس-شارالار بارىسىندا قاۋىپسىزدىكتى قامتاماسىز ەتۋدىڭ ماڭىزدىلىعىن ايتىپ، «ەكسپو-2017» مامانداندىرىلعان كورمەسىن وتكىزگەن كەزدە قۇقىق قورعاۋ قۇرىلىمدارىنىڭ ساپالى جۇمىس اتقارعانى ءۇشىن تاعى دا العىس ءبىلدىردى.
– مەن ارناۋلى جانە قۇقىق قورعاۋ ورگاندارىنىڭ قىزمەتكەرلەرىنە «ەكسپو-2017» كورمەسىن وتكىزگەن كەزدە ۇيلەسىمدى جۇمىس جۇرگىزگەنى ءۇشىن العىس ايتتىم. ولار ءتارتىپ پەن قاۋىپسىزدىكتى قامتاماسىز ەتە الدى، سوندىقتان كورمەگە كەلگەن بارلىق قوناقتار تاراپىنان جاقسى باعا بەرىلدى، – دەدى نۇرسۇلتان نازارباەۆ.
سونداي-اق، كارىم ءماسىموۆ ەلىمىزدەگى قازىرگى احۋال مەن ۇلتتىق قاۋىپسىزدىكتى قامتاماسىز ەتۋ ءۇشىن قابىلدانىپ جاتقان شارالار تۋرالى باياندادى.
– ەل ىشىندەگى احۋال تۇراقتى. استانادا «ەكسپو-2017» كورمەسىن وتكىزۋ كەزىندە ارناۋلى جانە قۇقىق قورعاۋ قىزمەتتەرى ءوز مىندەتتەرىن جوعارى دەڭگەيدە اتقارا ءبىلدى، – دەدى ۇلتتىق قاۋىپسىزدىك كوميتەتىنىڭ توراعاسى.
سوڭىندا قازاقستان پرەزيدەنتى بىرقاتار ناقتى تاپسىرما بەردى.

ۇقساس جاڭالىقتار

Back to top button