ەكپەدەن باس تارتاتىندار كوپ

مينيسترلىكتىڭ ستاتيستيكالىق ەسەبى جۇقپالى اۋرۋلاردىڭ الدىن-الۋ ءۇشىن حالىقتى الەۋمەتتىك جۇمىلدىرۋعا قاتىستى 2017-2019 جىلدارعا ارنالعان ۆەدومستۆووارالىق جوسپاردىڭ ۋاقتىلى ەكەنىن راستاپ وتىر: ەكپەگە قارسى ادامداردىڭ سانى 37.3 پايىزعا ءوستى. ولاردىڭ 45،7 پايىزى جەكە ۇستانىمدارىنا ساي باس تارتسا، 41،9 پايىزى ءدىني نانىمدارىنا وراي قارسى.

ەكپەدەن باس تارتقانداردىڭ 50 پايىزى  – الماتى جانە اقتوبە وبلىستارى تۇرعىندارى. ددۇ-نىڭ ۆاكتسينالاۋمەن قامتۋ بويىنشا ۇسىنىمدارىنا ساي، يممۋنداۋدىڭ جالپى پايىزى ازىرگە قاناعاتتانارلىق دەڭگەيدە، بىراق بەتالىسى الاڭداۋشىلىق تۋدىرادى.

قازاقستاننىڭ الدىن-الۋ ەكپەلەرىنىڭ كۇنتىزبەسى ددۇ-نىڭ ۇسىنىمدارىنا سايكەس كەلەدى (وسىعان ۇقساس گرافيكالار يزرايل، بەلگيا، گەرمانيا، تۇركيا، جاپونيادا قابىلدانعان) جانە تۋبەركۋلەز، ۆيرۋستى «ۆ» گەپاتيتى، كوكجوتەل، ديفتەريا، سىرەسپە، b ءتيپتى گەموفيلدى ينفەكتسيا، پوليومەليت، پنەۆموكوكك ينفەكتسياسى، پاروتيت، قىزىلشا. بۇل اۋرۋلار ءولىم قاۋپى مەن مۇگەدەكتىكپەن بايلانىستى بولعاندىقتان، كۇنتىزبەگە ەنگىزىلدى.

ستاتيستيكاعا ساي، نارەستە ءولىمى ەلدە 1000 جاڭادان تۋعان ءسابيدىڭ 8،60-ىن قۇرايدى (2016 جىلدىڭ دەرەگى). ونىڭ باستى سەبەپتەرى – پەريناتالدىق كەزەڭدەگى جاعداي، ونىڭ ىشىندە سەپسيس، دامۋدىڭ تۋمىسىنان بىتكەن اقاۋلارى، قايعىلى وقيعالار جانە پنەۆمونيا. نارەستە سەپسيسى مەن پنەۆمونيانى ادەتتە Streptococcus pneumoniae قوزدىرادى.

ۆەدومستۆوارالىق جوسپار ەكپەدەن باس تارتۋلار بويىنشا ستاتيستيكانى ازايتۋعا باعىتتالعان. دەنساۋلىق ساقتاۋ مينيسترلىگى حالىقپەن اقپاراتتىق-ءتۇسىندىرۋ جۇمىستارىن جۇرگىزۋ، اكتسيا، دوڭگەلەك ۇستەل، ءدىن ىستەرى بويىنشا جەرگىلىكتى باسقارما وكىلدەرىنىڭ قاتىسۋىمەن فورۋمدار وتكىزۋدى جوسپارلاپ وتىر. مەديتسينا قىزمەتكەرلەرى ءۇشىن ۆاكتسينالاۋدى قاۋىپسىز جۇرگىزۋ جانە كوممۋنيكاتيۆتىك داعدىلارىن كوتەرۋ بويىنشا بىلىكتىلىك سەمينارلارى ءوتىپ جاتىر. ەكپەنى قولدامايتىنداردىڭ «قارسى پىكىرلەرىمەن» بارلىق دەڭگەيدە جۇمىس ىستەۋ قاجەت.
 

ۇقساس جاڭالىقتار

Back to top button