قازاقستاندا كومىر تاپشىلىعى جوق

قازاقستاننىڭ بارلىق وڭىرىندە كومىر تاپشىلىعى جوق. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا قر ەنەرگەتيكا ءمينيسترى قانات بوزىمباەۆ ايتتى، دەپ حابارلايدى قازاقپارات.

«2017 جىلدىڭ 9 ايىندا 75،3 ملن توننا كومىر ءوندىرىلدى. بۇل 2016 جىلدىڭ سايكەس كەزەڭىمەن سالىستىرعاندا 13،2 پايىزعا ارتىق. ىشكى نارىققا 54،7 ملن توننا كومىر جەتكىزىلدى. ونىڭ 41،1 ملن تونناسى ەنەرگيا ءوندىرۋشى كاىسىپورىندارعا جونەلتىلدى. ەكسپورت 21،1 ملن توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 16،6 پايىزعا كوپ. ءدال وسى كەزەڭدە كوممۋنالدىق-تۇرمىستىق قاجەتتىلىككە جانە حالىققا 1 ميلليوننان استام كومىر جەتكىزىلدى. بۇل وتكەن جىلدىڭ سايكەسىنشە كەزەڭدەگى دەڭگەيدەن 26،8 پايىزعا كوپ»، – دەدى مينيستر. ونىڭ ايتۋىنشا، جىل سايىن جىلۋ بەرۋ ماۋسىمى كەزىندە كوممۋنالدىق-تۇرمىستىق قاجەتتىك پەن حالىققا سىرتقى اۋا تەمپەراتۋراسىنا بايلانىستى شامامەن 10-112 ملن تونا كومىر جەتكىزىلەدى. بۇل ساناتقا ارنالعان كومىردىڭ باعاسى كەن ورنىنا بايلانىستى 2،5 مىڭ تەڭگەنى قۇرايدى. قزىرگى ۋاقىتتا ەلىمىزدەگى كومىر وندىرەتىن كاسىپورىندار تۇراقتى جۇمىس ىستەپ، كومىر ءوندىرۋ كولەمىن ارتتىرا تۇسۋدە.

«بۇگىنگى كۇنى ەلدە كومىر تاپشىلىعى جوق. قىركۇيەكتىڭ ورتاسىندا كۇننىڭ كۇرت سۋىنا بايلانىستى ورتالىق جانە سولتۇستىك وبلىستاردا كومىرگەن سۇرانىس ارتا ءتۇستى»، – دەدى ول.  مينيستردىڭ دەرەگىنشە، قازىرگى ۋاقىتتا اقمولا وبلىسىنىڭ ساۋدا نۇكتەلەرىندە 40-تان 700 تونناعا دەيىن، الماتى وبلىسىندا شامامەن 300 توننا، جامبىل وبلىسىندا 490، سولتۇستىك قازاقستان وبلىسىندا 600، وڭتۇستىك قازاقستان وبلىسىندا 20 مىڭ، استانادا شامامەن 1 مىڭ توننا كومىر بار.

 

 

ۇقساس جاڭالىقتار

Back to top button